蘇媽.蘇媽馬來西亞茶餐室 (已結業)

終於可以晚市堂食了，第一個星期五當然要去旺點尖沙咀！在加連威老道接近The One，有招牌明亮的蘇媽及So Bar，一邊做酒吧生意一邊做馬來西亞餐廳生意；Crossover又幾得意喎！.辣死你嗎配仁噹牛肉$62 - 馬拉食物未必成日食，不過每次去或多或少都會叫辣死你嗎，因為顏色豐富材料又多元化，一次過可以滿足幾個願望。仁噹牛肉撈麵 $62 - 都是牛肉哈哈，牛肉煮得入味又夠腍，入口易咬。魚仔醬蘿蔔糕 $48 - 魚仔醬鹹香鹹香等，加上蘿蔔糕煙煙韌韌煎得好香。桔仔話梅水（凍）$25 - 鹹鹹地甜甜地，十分開胃解渴。.環境裝修很特別而且服務也很不錯，下次去諾士佛台的朋友不妨轉戰這裏。