寢宮

營業中

休息中

尖沙咀諾士佛台係Happy hour飲酒嘅好地方。唔鍾意咁嘈咁多人，我會揀上樓酒吧，依一間個名雖然叫寢宮，但係裏便冇得瞓覺㗎，佢係一個好夢幻嘅地方，暗暗地嘅環境內可以盪鞦韆，但係佢又有桌球玩。配酒飲就梗係叫小食啦，佢嘅香蒜辣椒炒牛柳粒，帶少少酸味，同白酒好夾。份量都幾多。另外仲可以自己組合小食拼盤，我點咗芝士波，香煎吞拿魚同埋炸魚柳，味道都唔錯，咁樣可以一次試到多啲唔同口味。香蒜辣椒炒蝦，大大隻蝦好爽口，白酒，啤酒都配等左一陣牛扒就到啦，好大塊嘅牛扒，配菜都好好食好新鮮。