影片
更多
2025-04-18
669 瀏覽
平日突然約食飯，去到想食嘅餐廳竟然全爆，又話飲食業寒冬？！似乎係唔好食嘅就寒冬喎. 但呢度就得另外一檯客。裝修就靚嘅，位都舒服，檯唔細。青醬意粉：個樣好靚仔，又有幾塊牛油果。但廚師你係咪無落鹽？成碟嘢冇味嘅？！又唔香，唔知想點！朋友食都問點解可以無味成咁。龍蝦意粉：呢個ok。都香，隻龍蝦正常size。叉燒飯：朋友話之前食過好味。個飯係好味。但叉燒我試嗰舊麻麻咋喎，鞋喎，但主要食嗰個覺得ok.間舖最大鑊係serve 個𡃁仔。完全十問九唔應。問佢攞多隻碟，完全唔應人就走咗去，佢有返黎俾嘅，但講句"好"都咁難咩？之後放低嘢食又唔俾餐具，走咗去就攞個電話死蛇爛鱔咁趴響bar 檯碌電話，要我自己去攞，佢同事見到都頂佢唔順，幫佢做埋佢嗰份。真係好痴線。大佬做茶記都冇咁嘅態度啦。唔想返工唔好返啦！返去躺平啦你！總結：唔係好掂。你換過個staff 佢啦。
裝修就靚嘅，位都舒服，檯唔細。
青醬意粉：個樣好靚仔，又有幾塊牛油果。但廚師你係咪無落鹽？成碟嘢冇味嘅？！又唔香，唔知想點！朋友食都問點解可以無味成咁。
龍蝦意粉：呢個ok。都香，隻龍蝦正常size。
叉燒飯：朋友話之前食過好味。個飯係好味。但叉燒我試嗰舊麻麻咋喎，鞋喎，但主要食嗰個覺得ok.
間舖最大鑊係serve 個𡃁仔。完全十問九唔應。問佢攞多隻碟，完全唔應人就走咗去，佢有返黎俾嘅，但講句"好"都咁難咩？之後放低嘢食又唔俾餐具，走咗去就攞個電話死蛇爛鱔咁趴響bar 檯碌電話，要我自己去攞，佢同事見到都頂佢唔順，幫佢做埋佢嗰份。真係好痴線。大佬做茶記都冇咁嘅態度啦。唔想返工唔好返啦！返去躺平啦你！
總結：唔係好掂。你換過個staff 佢啦。
張貼