影片
更多
2019-02-13
1562 瀏覽
今次同朋友去到元朗覓食，朋友一早卜好左餐廳，就係去食omakase，聽講係元朗都頗有名氣，當日我哋去都全場滿左，好彩一早book定先～套餐中，我地揀左$900既壽司10貫☺️☺️首先送咗個前菜，係南瓜豆腐同芝麻菠菜💛我第一次食南瓜豆腐，若隱若現地滲透出南瓜味，豆腐冰涼嫩滑，另一樣係芝麻菠菜，味道清新😆😆仲有3款既漬物，分別係薑片、Wasabi蘿蔔、麵豉蒜頭，食Wasabi蘿蔔為我帶來有點小衝擊，爽口又開胃！從右至左，分別係深海池魚，鰤魚同竹籤魚，深海池魚爽身，鰤魚即油甘魚，入口感受到魚香，竹籤魚新鮮彈口😁😁之後有銀鱈魚，鯖魚，同螢光魷魚，銀鱈魚帶點熏香，魚味更特出，鯖魚味道較濃，螢光魷魚多汁漿口，鮮甜尤美💛💛分別有鮟鱇魚肝，蟹肉，赤貝同拖羅😍😍鮟鱇魚肝10分矜貴，入口軟綿綿，細膩潤滑，完全冇腥味的，蟹肉壽司有勁多蟹肉絲，都幾鮮甜，赤貝好食，爽口之餘仲有海水香，拖羅就係勁肥美，差唔多入口即溶😃😃海膽手卷都唔錯，包住脆口嘅紫菜，入面係軟綿綿嘅海膽，海膽嘅份量都有好多，絕對唔係得面頭少少😛😛簡單嘅麵豉湯都好好味，有好多我鍾意食嘅蜆同菇！最後仲有甜品做尾聲，我覺得豆腐芝士蛋糕清香得來都唔錯，但如果
套餐中，我地揀左$900既壽司10貫☺️☺️
首先送咗個前菜，係南瓜豆腐同芝麻菠菜💛
我第一次食南瓜豆腐，若隱若現地滲透出南瓜味，豆腐冰涼嫩滑，另一樣係芝麻菠菜，味道清新😆😆
仲有3款既漬物，分別係薑片、Wasabi蘿蔔、麵豉蒜頭，食Wasabi蘿蔔為我帶來有點小衝擊，爽口又開胃！
從右至左，分別係深海池魚，鰤魚同竹籤魚，深海池魚爽身，鰤魚即油甘魚，入口感受到魚香，竹籤魚新鮮彈口😁😁
之後有銀鱈魚，鯖魚，同螢光魷魚，銀鱈魚帶點熏香，魚味更特出，鯖魚味道較濃，螢光魷魚多汁漿口，鮮甜尤美💛💛
分別有鮟鱇魚肝，蟹肉，赤貝同拖羅😍😍
鮟鱇魚肝10分矜貴，入口軟綿綿，細膩潤滑，完全冇腥味的，蟹肉壽司有勁多蟹肉絲，都幾鮮甜，赤貝好食，爽口之餘仲有海水香，拖羅就係勁肥美，差唔多入口即溶😃😃
海膽手卷都唔錯，包住脆口嘅紫菜，入面係軟綿綿嘅海膽，海膽嘅份量都有好多，絕對唔係得面頭少少😛😛
簡單嘅麵豉湯都好好味，有好多我鍾意食嘅蜆同菇！
最後仲有甜品做尾聲，我覺得豆腐芝士蛋糕清香得來都唔錯，但如果蛋糕嘅質地可以再平少少會更加好，令一款係咖啡啫喱，咖啡味都幾香濃😘
張貼
