野郎Stone Ya Rou Stone

營業中

休息中

今日喺北角匯shopping，行經一田有啲肚餓，同朋友見到間燒肉店座底食野。店員服侍殷勤，安頓坐低之後就揀嘢食同先付款。除咗吧枱，外圍仲有散座。見着店員收到order後即叫即燒，食物上枱時，熱辣辣香噴噴。黑豚豬扒叫咗150g份量跟$30轉套餐有齊飲品，湯、沙律、白飯。之前擔心燒豚肉會比較韌，但肉質依然嫩滑，油脂比較豐富，但唔會肥膩，即使燒耐左都冇問題，旁邊仲有蒜片、洋蔥、青椒等等做配料。牛柳一樣叫咗150g跟餐，牛柳本身肉質好所以好淋身，將肉片反覆於石板煎，煎至自己認為的生熟程度，我哋覺得大約七成就啱啱好。店員介紹佢親自炮製的醬汁，白松露蒜蓉，麵豉辣椒醬和柚子豉油，果然將美味升級。