影片
更多
2023-02-10
46 瀏覽
介紹返💁🏻♀️。。🇺🇸 多國菜 在尖沙咀 🇺🇸。Alimente。圓方商場火區2樓2131號舖。Juicy Frenched Pork Rack with Roast Vegetables法式豬鞍架 配烤菜。HKD158Fushion Salmon & Mentaiko Spaghetti明太子三文魚忌廉意粉。HKD128.11:00-17:30 午餐時段Come with Fruit Tea & Soup OR Salad【附送 果茶＋餐湯/沙律】•17:50-21:00 晚餐時段Make it a Meal 。 Additional HKD30Daily Soup OR salad & Drink【加 HKD30 配 餐湯/沙律＋果茶/飲品】Sesame Honey Wings芝麻蜜糖雞翼。HKD58 @ 5 pcs🤫 早兩日終於約到好耐冇見嘅朋友Jen..既然咁難得約到..梗係一齊出去睇返套戲然後嘆番餐飯啦..我哋今次因為就番時間所以去咗Elements嗰邊睇戲..早早睇完就諗住喺商場是但搵個地方食嘢兼傾偈..你知啦..兩條女咁耐冇見一定口水多過茶..咁出咗戲院發現隔離有一間好似
。
。
🇺🇸 多國菜 在尖沙咀 🇺🇸
。Alimente
。圓方商場火區2樓2131號舖
。
Juicy Frenched Pork Rack with Roast Vegetables
法式豬鞍架 配烤菜
。HKD158
Fushion Salmon & Mentaiko Spaghetti
明太子三文魚忌廉意粉
。HKD128
.11:00-17:30 午餐時段
Come with Fruit Tea & Soup OR Salad
【附送 果茶＋餐湯/沙律】
•17:50-21:00 晚餐時段
Make it a Meal 。 Additional HKD30
Daily Soup OR salad & Drink
【加 HKD30 配 餐湯/沙律＋果茶/飲品】
Sesame Honey Wings
芝麻蜜糖雞翼
。HKD58 @ 5 pcs
🤫 早兩日終於約到好耐冇見嘅朋友Jen..既然咁難得約到..梗係一齊出去睇返套戲然後嘆番餐飯啦..我哋今次因為就番時間所以去咗Elements嗰邊睇戲..早早睇完就諗住喺商場是但搵個地方食嘢兼傾偈..你知啦..兩條女咁耐冇見一定口水多過茶..咁出咗戲院發現隔離有一間好似Fastfood咁嘅餐廳..啲嘢食又好似幾啱食..一於就喺呢度開餐啦
🤫 講緊嘅就係喺正戲院小食部隔離嘅Alimente..本來以為餐廳得小食部望出嚟嗰四五張枱..但係落Order俾埋錢之後餐廳職員同我哋講..原來轉個彎有個更加舒服嘅堂食位置㗎喎..佢哋仲有送餐服務添㗎..叫我哋埋去搵定個位等食喎..心諗又幾好喎..唔收加一都有送餐服務
🤫 咁我哋就跟住餐廳職員嘅指示行咗去餐廳旁邊嘅雅座..啲座位又幾舒服個喎..一啲都唔似Fastfood..然後傾陣計嘢食就逐一嚟齊
🤫 先嚟講吓我哋揀嘅Main Course 豬鞍配烤菜先..豬鞍都真係幾大塊㗎..仲要係厚切..開頭切嘅時候覺得有啲韌..有啲難切開..但係食落口之後..我同Jen一致認為睇外表係睇唔出呢塊豬鞍其實咁軟熟㗎..仲真係同Menu寫嘅英文名一樣咁Juicy..質素相當唔錯..另外Side Dish嘅烤蔬菜都有好多種類..包括有黃椒翠玉瓜..茄子西蘭花..南瓜同埋車厘茄..色彩繽紛營養滿分🤪
🤫 然後就講吓個Pasta..明太子三文魚忌廉意粉..又係好搞笑..淨係睇外表完全睇唔出佢啲明太子..但係食落口係堅好味..好Creamy嘅Sauce加埋幾大量嘅三文魚肉..意粉軟硬適中..撈埋一齊食真係好好味..而且又係好大份..(Haha..我想話最後我係打包咗幾件豬鞍同幾啖Pasta仲有一隻雞翼返屋企..第二日當lunch食🤭)
🤫 哎～係呀..我哋仲有嗌雞翼㗎.嗌咗一份芝麻蜜糖雞翼..一份有五隻..中等身形嘅雞翼蜜糖味香濃..加上面頭有啲芝麻就更加惹味啦..旁邊再配有些少沙律菜..又係感覺健康
🤫 差啲唔記得講..每一份主菜都可以額外加三十蚊變成Dinner Set..有是日餐湯或者沙律..我同Jen不約而同都揀咗湯..西蘭花忌廉湯..真係好重西蘭花味㗎..而且仲飲得出會有一啲薯仔末..湯嘅質地唔會好杰亦唔會太稀..雖然唔係太大碗..但係個人認為都啱啱好..仲跟咗一塊細細塊嘅鬆軟麵包配牛油..另外餐飲方面..我哋都一樣揀咗果茶..係我最鍾意嘅白桃茶..白桃味重但係唔會話好甜..配埋茶底係茉莉花茶..出邊成日都係飲白桃烏龍茶..原來配茉莉花茶都幾好味㗎..茶味再淡少少..桃味更加突出
🤫 好啦..終於都講晒啲嘢食嘢飲啦..其實當初入嚟食Alimente真係以為佢只不過係一間貴價嘅Fastfood..但係由坐喺佢哋餐廳座位嗰一刻開始..完全顛覆咗我原本嘅諗法.. Alimente座位其實真係幾舒服㗎..地方相當闊落..似係中高價Cafe嘅陳設..然後嘢食上枱..每樣嘢都井井有條..餐廳職員周到有禮..應有嘅服務都有齊..都唔介意麻煩俾埋打包盒同膠袋我..拎走食剩嘅嘢返屋企..餐廳入邊仲有一個自助調味料同餐具嘅小角落..非常之方便..我哋食飽之後真係傾吓傾..傾吓傾..傾到佢閂門先至走啊..聽講話原來呢度啲嘢食係可以送埋入去戲院入邊食㗎..我諗係送去Element VIP Cinema啩..總之..我真係幾推介呢間餐廳..環境靜靜地..服務同嘢食都非常唔錯..你哋有機會嚟呢邊一定要試吓..冇老點🤪
。。
翻兜指數：🙆🏻♀🙆🏻♀️️🙆🏻♀️ （5個🙆🏻♀️為翻兜爆燈）
。。
張貼
