新桂香燒臘

營業中

休息中

今日經過柴灣, 當然要順道一試早前KOL推介嘅呢間全港 Top 1 叉燒 ㄧ新桂香。店鋪係漁灣邨旁嘅一條小巷,係柴灣站步行約10分鐘。由於未食lunch, 所以買咗 (1) 半斤叉燒 ($100) 同 叉燒燒肉飯 ($48)。店員推介咗半肥瘦, 叉燒切法適中, 有d厚身d, 有d薄身d。肉質好淋身, 約三分一肥, 三分二瘦，有燶邊, 再配合偏甜嘅叉燒汁, 的確好好食, 俾十個like。同埋, 喺成個運送嘅過程當中, 啲叉燒汁完全冇流過出嚟, 實屬難得。雖然價格比較貴,$192/斤,但係真係值得。而叉燒燒肉飯比較一般, 叉燒一樣係半肥瘦, 但切法會再薄身 d, 燒肉整體感覺一般。