影片
更多
2011-03-17
32 瀏覽
肥哥哥行政總廚誠要我到來試菜，當然即刻應承啦，一個人又食唔到啲咩，所以相約朋友好野齊齊食啦 ~鮮蕃茄湯，用新鮮蕃茄煮，味道特別鮮甜同 natural，夠晒熱，好味道。鮮蝦煙三文魚沙律，鮮蝦煎過，好香口，肉質又爽又彈，意大利生菜新鮮爽甜，煙三文魚屬即食外購貨，所以間間餐廳啲味道同質感都機乎一樣，如果可以嘗試自家制，同埋用不同既香料煙薰會更有驚喜。鵝肝配法包，嘩 ﹗超肥美既鵝肝，口感好油潤、香滑、軟棉棉，份量足足比其他餐廳多兩三倍，多謝多謝。配上法包及黑醋油，可減低油膩感，又可以提升味道同層次，好正呀。如果能夠張表層煎得更香脆，咁就 perfect 喇。安格斯牛柳配糊椒汁，我最愛既安格斯牛味超濃，口感軟棉棉，因牛柳好厚，食五成熟會比較穩陣，如果食三成可能個裡還依然好冰凍。香甜糊椒汁，不辣但好香，配上靚牛，好美味。手切炸薯墊底，意大利生菜伴碟，同樣出色。德國咸豬手，我稱為係改板，正宗德國咸豬手表會焗到超硬超乾，將所有肉汁同水份鎖死係裡面，個硬殼唔會食，因硬到叉都叉唔入，只會食脆皮下既骨膠原同豬肉。改板德國咸豬手，初碰面時，佢既賣相令我有點猶豫，因見到外表好油潤，不過試左幾啖，質數唔會比正宗既
鮮蕃茄湯，用新鮮蕃茄煮，味道特別鮮甜同 natural，夠晒熱，好味道。
鮮蝦煙三文魚沙律，鮮蝦煎過，好香口，肉質又爽又彈，意大利生菜新鮮爽甜，煙三文魚屬即食外購貨，所以間間餐廳啲味道同質感都機乎一樣，如果可以嘗試自家制，同埋用不同既香料煙薰會更有驚喜。
鵝肝配法包，嘩 ﹗超肥美既鵝肝，口感好油潤、香滑、軟棉棉，份量足足比其他餐廳多兩三倍，多謝多謝。配上法包及黑醋油，可減低油膩感，又可以提升味道同層次，好正呀。如果能夠張表層煎得更香脆，咁就 perfect 喇。
安格斯牛柳配糊椒汁，我最愛既安格斯牛味超濃，口感軟棉棉，因牛柳好厚，食五成熟會比較穩陣，如果食三成可能個裡還依然好冰凍。香甜糊椒汁，不辣但好香，配上靚牛，好美味。手切炸薯墊底，意大利生菜伴碟，同樣出色。
德國咸豬手，我稱為係改板，正宗德國咸豬手表會焗到超硬超乾，將所有肉汁同水份鎖死係裡面，個硬殼唔會食，因硬到叉都叉唔入，只會食脆皮下既骨膠原同豬肉。改板德國咸豬手，初碰面時，佢既賣相令我有點猶豫，因見到外表好油潤，不過試左幾啖，質數唔會比正宗既差，香濃肉味、肉汁豐盈、口感嫰滑，處理得非常好，而且皮可以連肉及骨膠原一齊食，完全唔會浪費，最後食完只剩下一條骨。伴碟既酸蘿蔔絲可助消減油膩感，醃得爽脆，有口感。傳統既德國咸豬手大多跟紅菜頭或係腍到一劈野咁既蘿蔔絲，依家轉成爽脆酸蘿蔔絲真係錦上添花。
黑松露雞柳扁意粉，原菜式係配天使麵，我尊登轉配扁意粉，依個配搭更好。正確黎講係用黑松露油炒既意粉，淡淡既松露香，好吸引，有少許松露碎黏住扁意粉跟嫰滑雞柳同吃，超可口。今次扁意粉煮到八成熟，恰到好處，爽滑嚥靭，正呀。
張貼
