老北京餛飩皇

營業中

休息中

今日行旺角食左個好豐富既下午茶，晚餐時間唔算好肚餓。行過見到呢間老北京餛飩皇，入面光線充足，睇上去都幾企理乾淨，而且仲係新開但都有一半入座率，一於試下。餐牌有好多選擇，價錢合理，唔算貴。最後揀左炸醬麵配小餛飩15隻 HK$60炸醬麵味道略咸，麵質爽口，帶點甜辣。小餛飩細細隻都幾鮮味，但口感普通。蔥油拌麵 HK$25麵質煙韌較軟身，適合鍾意香濃醬油味既人，而且個麵葱油味亦好重。全家福水餃10隻 HK$50水餃比較厚，做唔到皮薄餡嫩既感覺，而且內餡亦不夠緊實飽滿，很一般。