影片
更多
2017-03-01
1256 瀏覽
自從無喺旺中對面返工之後，好耐都無黎旺角搵野食，當日做完FACIAL勁肚餓，夜晚屋企又無飯食，諗住放肆下去金華食個菠蘿油，路過民華，以前喺度食茄牛通的回憶返哂黎，好喇，就入去食番個菠蘿油緬懷下。前面呢個套餐好吸引，腿蛋係我至愛食物之一！唯有放棄菠蘿油了......（腿蛋菠蘿包仲平$1）落單時問侍應姐姐可唔可以轉太陽蛋，侍應姐姐爽快答我，只要我想就一定得，哈哈！咁加多杯茶走少甜呀，唔該！食物到齊，呢到好貼心，會跟埋刀叉！第一時間緊係CHECK下隻蛋煎成點啦，係真太陽蛋，我收貨喇~相機食先，到我食時個包都仲係好有溫度，正！有太陽蛋係度，識食一定係用手拎住成個包咬，咁先可以食哂啲蛋汁架！個菠蘿包面好脆，感覺個包好新鮮，Yummy～好正～個包入面搽左牛油，令成個包生色不少，菠蘿包面的甜同入面的鹹香好夾，最緊要係樣樣材料本身都係我至鍾意食的！（美中不足的是，如果可以有兩塊火腿或者可以厚切就好啦～）食完個包嘆杯茶，民華嘅奶茶仲係咁好味，茶味濃而不澀，茶走少甜又真係做到甜而不淡，拿揑準確！呢餐當晚飯食，$30認真超值，下次一定再黎過！
前面呢個套餐好吸引，腿蛋係我至愛食物之一！唯有放棄菠蘿油了......（腿蛋菠蘿包仲平$1）落單時問侍應姐姐可唔可以轉太陽蛋，侍應姐姐爽快答我，只要我想就一定得，哈哈！咁加多杯茶走少甜呀，唔該！
太陽蛋火腿菠蘿包+菜走少甜
48 瀏覽
0 讚好
0 留言
太陽蛋火腿菠蘿包
48 瀏覽
0 讚好
0 留言
太陽蛋火腿菠蘿包
47 瀏覽
0 讚好
0 留言
有太陽蛋係度，識食一定係用手拎住成個包咬，咁先可以食哂啲蛋汁架！個菠蘿包面好脆，感覺個包好新鮮，
Yummy～好正～
個包入面搽左牛油，令成個包生色不少，菠蘿包面的甜同入面的鹹香好夾，最緊要係樣樣材料本身都係我至鍾意食的！
（美中不足的是，如果可以有兩塊火腿或者可以厚切就好啦～）
茶走少甜
24 瀏覽
0 讚好
0 留言
呢餐當晚飯食，$30認真超值，下次一定再黎過！
張貼
