幸運星

營業中

休息中

見到呢間餐廳嘅雙餸飯出咗新品，豉椒炒鯇魚，啤酒紫蘇炆鴨，兩個餸一個飯$78，包埋一杯熱飲，即叫即炒，非常之有鑊氣。紫蘇炆鵝，我幾鍾意，炒鯇魚我覺得有少少甜，不過可能香港人鍾意甜甜地，呢兩個餸，我見到係話廚師推介，不錯嘅。飲品就揀咗熱薑檸蜜，酸酸地甜甜地。其實雙送飯其他嘅餸，我都比較鍾意炒A菜，菜脯煎蛋，炒四季豆，炒雜菜，呢間都炒嘅幾好，即係你而家叫，依家幫你炒嘅。仲送一個好細好迷你嘅蛋撻，好得意。