拉麵Jo (已結業)

拉麵Jo，經過yoho唔知食咩又想過下拉麵癮，就去咗呢間鋪試下。兩人去，咁啱見佢有個兩人餐，就一於試下，$298+10%，可以揀佢餐牌上兩款拉麵+兩款小食+兩個野飲，睇過如果單獨嗌嘅話，個餐真係相對上會平好多，就試下佢個餐。首先叫咗佢個魚介豚骨拉麵+特製豚骨湯拉麵，湯底正常，但食得出佢並唔係出邊拉麵舖咁樣純天然材料熬製，特別係魚介湯，應該係用好多粉溝出黎，不過黎得食就預咗，所以都okay。佢啲配料都幾普通，唯獨係啲叉燒都幾好食，蛋就好垃圾。小食叫咗蔥花牛舌同煎餃，好普通，不過不失，其實可以唔叫都得。整體黎講好普通，唔需要俾呢個價錢食呢個質素嘅拉麵，完！