金船長餐廳 (已結業)

今日係同老婆嘅記念日，搵啲有回憶嘅地方先！之前大學時期試過去金船長食，於是重遊舊地！不過一入去感覺唔同哂，氣氛浪漫咗好多噃！同埋有得獎黑松露芝士夾心pizza，當然要一試！大家都專誠來試pizza，梗係唔可以miss啦！雖然稱之為pizza，但係口感好唔同，係餅皮包住黑松露外包芝士碎，好香濃嘅味道！侍應仲特登教我哋點食，可以原汁原味、點自家製提子醋一齊食，同埋提子醋加有機菜齊齊放入口！提子醋味道好清爽，加埋芝士好有化學作用！不過我最愛都係原汁原味，因為夠濃味！我哋仲叫咗白酒忌廉青口同埋羊架，青口好新鮮，甜味好夠，正！啲汁仲唔駛浪費，因為好細心有塊包畀你點嚟食！至於羊架都好爽口，唔韌易入口，都叫做多汁。但係我最推薦都係pizza同埋青口喇！必試！飲品都有誠意架，叫咗抹茶紅豆奶昔share，唔係好甜啲紅豆又夠大粒，但2個人飲真係唔夠喉！下次試埋其他嘢飲先得！得獎pizza！提子醋