燒肉の牛太・本陣 (創紀之城五期(apm))

營業中

休息中

最近發現咗個午餐抵食之選，喺觀塘APM入面嘅日式燒肉店燒肉の牛太・本陣有幾個好抵嘅lunch set。有個周末得閒就同朋友去試，星期六日個抵食set都冇額外收費，仲有半自助餐式沙律吧，上菜之前可以夾一碗沙律當前菜，食完真係又滿足又飽肚。午市燒肉Combo定食 $139呢個定食可以揀一款燒肉、主食同飲品。今次揀咗上級板腱肉，肉質結實，有嚼勁，配埋燒肉汁好好食。怕膩可以搭啲泡菜同豆芽，係另一陣好味 !主食係迷你辛辣海鮮鍋，噴住煙咁上枱，真係新鮮滾熱辣。湯底辣辣地好開胃，叫迷你但同樣有D海鮮食下~飲品就叫咗烏龍茶。CP值最高午市燒肉定食 $149明明已經好抵食，仲有得俾你揀唔同部位，我今次就選擇咗上級牛肋肉。牛肋肉份量都幾多，又有配白飯、海帶湯同豆芽。牛肋肉口感好嫩滑，又有足夠油脂，點一點燒肉汁就好夠。🥩食完定食仲可以去自助吧拎甜品，我太飽所以淨係食咗兩舊泡芙。