影片
更多
2022-04-21
112 瀏覽
裕民坊開咗無耐就已經見到呢間唯美風格嘅餐廳，周圍都係花花世界同藝術品。今次趁住要慶祝女朋友完成咗單大project，就book 咗呢間慰勞下佢。我哋揀咗出面嘅位坐，未叫野食都已經俾浪漫嘅氛圍包住，每個corner 都係打卡位，從女朋友sweet 爆嘅表情已經睇得出我呢個男朋友已經加咗好多分 講返野食，唔好以為餐廳只係靚係個樣，野食都做得足！先嚟女朋友最鍾意飲嘅Matcha Latte，我試飲咗少少，好香嘅抹茶味，但係唔會好甜，同奶味勁match，我忍唔住偷飲多幾啖 Mozzarella Cheese 係我呢個芝士控至愛，新鮮炸起熱辣辣，芝士味又濃，仲可以拉絲拉到勁長，對我你講好好玩 Carbonara 易整但係唔容易煮得好食，但係呢度整得相當唔錯，忌廉同蛋味都好出，煙肉唔係普通貨色，肉味濃郁又夠咸，意粉仲要煮到啱啱好嘅硬身，啖啖滿足。上到枱已經覺得好大份，焗得好香，食落仲有陣陣燒豬肉香味，值得一提係隔離嘅配菜入面個薯仔炒得脆口好好食！唯一美中不足係豬鞍有少少焗耐咗，有d 乾身，要用醬汁補返濕度。其實係crepe 可麗餅，不過塊餅冇包埋嘅version。塊餅唔會係出面食好薄個種，肉桂味
我哋揀咗出面嘅位坐，未叫野食都已經俾浪漫嘅氛圍包住，每個corner 都係打卡位，從女朋友sweet 爆嘅表情已經睇得出我呢個男朋友已經加咗好多分 講返野食，唔好以為餐廳只係靚係個樣，野食都做得足！
Matcha Latte
7 瀏覽
0 讚好
0 留言
先嚟女朋友最鍾意飲嘅Matcha Latte，我試飲咗少少，好香嘅抹茶味，但係唔會好甜，同奶味勁match，我忍唔住偷飲多幾啖
炸拉絲芝士條
8 瀏覽
0 讚好
0 留言
Mozzarella Cheese 係我呢個芝士控至愛，新鮮炸起熱辣辣，芝士味又濃，仲可以拉絲拉到勁長，對我你講好好玩 
意大利煙豬肉卡邦尼意粉
13 瀏覽
0 讚好
0 留言
Carbonara 易整但係唔容易煮得好食，但係呢度整得相當唔錯，忌廉同蛋味都好出，煙肉唔係普通貨色，肉味濃郁又夠咸，意粉仲要煮到啱啱好嘅硬身，啖啖滿足。
芥末籽蜜糖焗美國頂級豬鞍架
15 瀏覽
0 讚好
0 留言
上到枱已經覺得好大份，焗得好香，食落仲有陣陣燒豬肉香味，值得一提係隔離嘅配菜入面個薯仔炒得脆口好好食！唯一美中不足係豬鞍有少少焗耐咗，有d 乾身，要用醬汁補返濕度。
肉桂蘋果杏仁片焦糖忌廉班戟
7 瀏覽
0 讚好
0 留言
其實係crepe 可麗餅，不過塊餅冇包埋嘅version。塊餅唔會係出面食好薄個種，肉桂味又香，蘋果嘅酸味中和返焦糖味，balance 做得好好，我唔係好食甜都會想食多幾啖。
成餐飯靚靚地又chill 住咁過，女朋友一開始已經話要留肚食甜品變咗我要食晒大部份，男仔一定唔怕唔夠飽！
張貼
