Cobber Coffee and Tonys Pastry

營業中

休息中

嚟過嘅朋友仔都知，呢間cafe經常滿座，真係好高人氣。今日特登5點幾去到，都見到有唔少人等緊。拎咗飛係後樓梯等，最後等咗半個鐘左右就可以入座。蒜香蟹肉意粉 $126呢款意粉係會比較乾身，落單個時可以揀埋辣度，我哋就揀咗正常辣度。意粉食落好香蒜味，道味比想像中辣之餘，仲會愈食愈辣，同埋辣味會一直停留喺口腔裡面。而蟹肉份量都唔少，差唔多每啖都會食到。黑松露忌廉雜菌意粉 $112一上枱就聞到濃郁嘅黑松露味，意粉好彈牙，配料份量都好足。蜜糖芥末雞翼 $68雞翼都算大隻，啲肉都好滑，炸完仲保留到啲肉汁。榛子、朱古力、焦糖香蕉梳乎厘班戟 $95嚟呢度最期待就係食甜品，今次就先試梳乎厘。落單嗰陣記得揀返後上，食到咁上下再同店員講返，製作時間大概10分鐘左右。香蕉表面有層焦糖，味道唔會太甜。梳乎厘口感鬆軟綿密，而且蛋味都好突出，配埋榛子朱古力醬真係令人食唔停口。仲可以落埋糖漿，口感會更豐富。芒果乳酪碎冰 $48乳酪碎冰都幾大杯，兩個人share飲都夠。味道酸酸甜甜，順便可以解下辣。總括嚟講，食物都幾好食，環境都好舒服。都冇限制用餐時間，可以慢慢食傾下計。