影片
更多
2021-09-01
1172 瀏覽
每次經過觀塘海濱花園都會見到「La Serre」呢間餐廳，佢星期六日特別旺場，因為有室外座位，可以帶埋寵物一齊嚟🐶。估唔到我同朋友星期一晚嚟，餐廳都有九成滿，超高人氣呢。呢度就好似玻璃屋咁，幾面都係窗，但就無乜景可以望到，哈哈🙈。餐廳有提供3-Course晚市套餐，價錢由$258至$358不等，有三款主菜揀🍽。唔啱食就可以喺主餐牌單點。我哋就叫咗一份晚餐，再額外點。晚餐前菜：煙三文魚牛油果沙律，🥗沙律幾開胃，大大碟。煙三文魚有兩片，而且仲有好多牛油果🥑。沙律菜新鮮，特別係啲車厘茄。雖然無嗌湯，但都有餐包食🥖。麵包暖笠笠，好軟熟，左邊嗰件係蕃茄味，幾特別。晚餐主菜：燒法國原隻春雞($258)，🍗春雞好大隻，外皮燒至金黃香脆，肉又夠厚。但可能隻雞偏老，肉質唔算嫩滑，不過影響唔大嘅。醬汁係燒汁，唔會太重口味。配菜有大量炸薯角🥔同沙律菜，飽肚之選。焗鱈魚柳配香茅椰子汁($188)，🐟鱈魚有兩件，魚皮煎得非常香口，更不乏油脂香，魚肉質感結實，唔錯。不過講到最出色嘅部份莫過於個醬汁，🥥椰子配合埋香茅味，味道甜甜哋，而且仲好清新添，整體有啲夏威夷風情。晚餐是日甜品：蘋果批，🍎跟餐甜品竟然唔係得啖蛋糕
每次經過觀塘海濱花園都會見到「La Serre」呢間餐廳，佢星期六日特別旺場，因為有室外座位，可以帶埋寵物一齊嚟🐶。
估唔到我同朋友星期一晚嚟，餐廳都有九成滿，超高人氣呢。呢度就好似玻璃屋咁，幾面都係窗，但就無乜景可以望到，哈哈🙈。
餐廳有提供3-Course晚市套餐，價錢由$258至$358不等，有三款主菜揀🍽。唔啱食就可以喺主餐牌單點。我哋就叫咗一份晚餐，再額外點。
晚餐前菜：煙三文魚牛油果沙律，🥗沙律幾開胃，大大碟。煙三文魚有兩片，而且仲有好多牛油果🥑。沙律菜新鮮，特別係啲車厘茄。
雖然無嗌湯，但都有餐包食🥖。麵包暖笠笠，好軟熟，左邊嗰件係蕃茄味，幾特別。
晚餐主菜：燒法國原隻春雞($258)，🍗春雞好大隻，外皮燒至金黃香脆，肉又夠厚。但可能隻雞偏老，肉質唔算嫩滑，不過影響唔大嘅。醬汁係燒汁，唔會太重口味。配菜有大量炸薯角🥔同沙律菜，飽肚之選。
焗鱈魚柳配香茅椰子汁
$188
1 瀏覽
0 讚好
0 留言
焗鱈魚柳配香茅椰子汁($188)，🐟鱈魚有兩件，魚皮煎得非常香口，更不乏油脂香，魚肉質感結實，唔錯。不過講到最出色嘅部份莫過於個醬汁，🥥椰子配合埋香茅味，味道甜甜哋，而且仲好清新添，整體有啲夏威夷風情。
蘋果批
4 瀏覽
0 讚好
0 留言
焦糖意大利軟芝士班戟($78)，睇餐牌見到個甜品名已經覺得好吸引😍，而實物造型更係打卡停不了。班戟有三層，中間夾雜住焦糖脆脆，好甜好邪惡好正。🥞班戟本身就一般，我認為佢可以再鬆軟啲，佢加咗意大利軟芝士，質感較濕潤。
飲品方面，我哋各自嗌咗杯🍸Mocktail($58)，橙色嗰杯係Gunner，由Ginger Ale + Ginger Beer + Bitters組成，而綠色嗰杯就係Virgin Ginger Mojito，由Fresh Ginger + Mint Leaf + Fresh Lime + Soda組成。兩杯都幾好飲，唔會過甜同似藥水味，而Mojito飲落就更為清爽🌿。
總括嚟講，行開觀塘海濱不妨幫襯吓呢間西餐廳，成個感覺真係幾Chill㗎，唔食嘢都可以飲返杯🍻。我見幾個麻甩佬嚟呢度飲，都唔去大排檔隊啤，你就知佢乜料啦🤣。
張貼
