更多
2022-01-05
52 瀏覽
話說港女嘅我不時會收集美食情報，而我當然唔會錯過靚靚嘅打卡餐廳，今次我同朋友就嚟到觀塘嘅新貴「Be Leaf🍁 」。餐廳無論室內外嘅裝修都一樣咁矚目😍，佢絕對係工廈區內嘅螢火蟲。波希米亞民族風嘅格調靚得嚟唔俗氣，佢唔係好粉紅嘅少女系，所以我見到有麻甩佬嚟撐枱腳添。適逢聖誕時節，呢度充滿節日氣氛🎄，整體感覺令人好舒服。同時，店員們嘅服務態度非常專業，佢哋每一位都好好禮貌，真誠對待客人，抵讚👍。餐廳定價稍貴，不過份量多，但亦都有少少係食環境，哈哈🙈。佢採用QR code落單，菜式項目同紙版餐牌有少少分別，以電子為準。香煎美國安格斯肉眼配阿根廷青醬($358)，另加配焗芝士波士頓龍蝦($88/半隻)。🥩牛扒雖然唔算厚身，但勝在夠大塊，我哋要咗七成熟，肉質無變柴，再加上脂肪含量較高，所以食落夠多汁。阿根廷青醬幾惹味，又唔會過鹹。🦞龍蝦則有錦上添花嘅作用，用芝士焗無得輸。本身以為底部墊咗沙律菜，但原來係冰菜，質感超爽脆，相當有驚喜。香煎珍寶虎蝦蕃茄鮮魚湯意大利麵($168)，🍝意粉大大碟，味道不過不失，佢同我預期中有啲唔同，因為我以為係湯麵，但實際上只係比平日多汁少少，而且蕃茄味唔算好濃。不過抵
話說港女嘅我不時會收集美食情報，而我當然唔會錯過靚靚嘅打卡餐廳，今次我同朋友就嚟到觀塘嘅新貴「Be Leaf🍁 」。
餐廳無論室內外嘅裝修都一樣咁矚目😍，佢絕對係工廈區內嘅螢火蟲。波希米亞民族風嘅格調靚得嚟唔俗氣，佢唔係好粉紅嘅少女系，所以我見到有麻甩佬嚟撐枱腳添。
適逢聖誕時節，呢度充滿節日氣氛🎄，整體感覺令人好舒服。同時，店員們嘅服務態度非常專業，佢哋每一位都好好禮貌，真誠對待客人，抵讚👍。
餐廳定價稍貴，不過份量多，但亦都有少少係食環境，哈哈🙈。佢採用QR code落單，菜式項目同紙版餐牌有少少分別，以電子為準。
香煎美國安格斯肉眼配阿根廷青醬($358)，另加配焗芝士波士頓龍蝦($88/半隻)。🥩牛扒雖然唔算厚身，但勝在夠大塊，我哋要咗七成熟，肉質無變柴，再加上脂肪含量較高，所以食落夠多汁。阿根廷青醬幾惹味，又唔會過鹹。🦞龍蝦則有錦上添花嘅作用，用芝士焗無得輸。本身以為底部墊咗沙律菜，但原來係冰菜，質感超爽脆，相當有驚喜。
香煎珍寶虎蝦蕃茄鮮魚湯意大利麵($168)，🍝意粉大大碟，味道不過不失，佢同我預期中有啲唔同，因為我以為係湯麵，但實際上只係比平日多汁少少，而且蕃茄味唔算好濃。不過抵讚嘅部份係嗰兩隻香煎珍寶虎蝦真材實料🦐，堅大隻，味道鮮甜，口感爽彈，加咗唔少分。
提拉米蘇梳乎厘班戟
$128
7 瀏覽
0 讚好
0 留言
飲品方面🥤，我哋要咗Iced Fresh Fruit Tea($36)同埋Fresh Grapefruit Pomelo Soda($46)。個人鍾意前者個杯多啲，因為水果味濃郁🍎，同茶味好夾，而且又唔會太甜。柚子梳打都OK嘅，起碼隻味唔會太假。
總括嚟講，雖然餐廳嘅食物味道唔稱得上好標青，但都還好啦，而且最重要係成個用餐過程好開心😆，我認為值得到訪，記住嚟影多兩張靚相啊。
張貼
