丼瀛 (已結業)

今日我去觀塘見客，心情特別好🤧因為我一早都知觀塘有好多好野食😂又咁好彩俾我係附近搵到間好似唔錯嘅日本餐廳😎食完真心覺得小店果然功力深厚😆講返食物先，今日得自己一個，所以唔敢叫咁多野食，怕浪費食物🤦🏻‍♂️首先叫左個頭盤 溫室蕃茄豆腐沙律，份量比想像中大份，蕃茄中片超新鮮👍再配埋個胡麻醬，即刻胃口大開🤤豆腐都好嫩滑，作為頭盤相當唔錯，有驚喜，有心機做得咁透徹😀另外，我再點左個什錦天婦羅，同埋個名好有霸氣嘅玉龍卷😆 什錦天婦羅相當有水準，炸得剛剛好，配埋個蘿蔔泥同個天婦羅汁，一啲都唔油膩🤔而且老闆好大方，種類好多，南瓜，青椒，蕃薯，矮瓜，冬菇都有，炸蝦都有幾件，食得好滿足，老闆萬歲 😆😆至於萬眾矚目嘅玉龍卷，原來係三文魚配魚籽炸蝦壽司，擺盤相當精緻，搞到一開始唔知點落手去食，因為太靚啦🤦🏻‍♂️🤦🏻‍♂️賣相靚之外，食落又好多唔同層次😳一開始就食得出魚籽個種咸咸香香又卜卜脆嘅口味，再有炸蝦嘅鬆脆同埋厚切三文魚嘅口感，食完真係好難忘，本來真係唔捨得😂😂最終食到好滿足咁離開間隱世小店 😋總括而言，哩間餐廳水准真係好掂，係近期食過最好嘅日式餐廳，地點係有啲難搵，但好值得去再食一次，回味一下玉龍卷嘅味道