壹檸壹鮮果茶 (已結業)

📍觀塘 壹檸壹平時去開觀塘，一定會去駱駝漆嗰面行一行。今日都嚟咗呢頭，諗住行吓街，點知見到有一間新開嘅手搖店，就喺鄭駱駝漆對面嗰條直路，見到佢都有幾多飲品可以選擇，而且味道都好特別，仲要今日天氣又熱又焗，於是我同朋友就一人一杯，飲吓解吓暑。٩(˃̶͈̀௰˂̶͈́)و牛油果甘露用牛油果整嘅飲品，真係比較少見，而佢呢一杯甘露非常特別，味道係牛油果，但係入邊又會有芒果果肉，就咁聽落感覺好似有啲奇怪，但係飲落又非常之夾。再加上飲品奶味好重，每一啖都好似食緊甜品咁。檸力十足通天香夏天最適宜解暑嘅飲品一定係凍檸茶，而去呢杯凍檸茶採用嘅檸檬份量非常多，本身諗住走甜，但係店員提醒我哋因為檸檬好多，所以如果完全冇糖的話可能會較為苦澀，建議我哋揀3分甜，而店員嘅建議又真係冇錯， 3分甜之後唔算好甜，但係又能夠帶出檸檬嘅清香。