影片
更多
2024-04-09
21 瀏覽
觀塘返工真係好多好嘢食, 今次行到去鴻圖中心嘅food court搵食一下; 呢間漢堡餐廳都聽過好多同事介紹過話唔錯, 今日就同同事一齊食先; 雖然舖頭面積唔大, 餐廳有室內同室外嘅位置, 室內有梳化卡位及一行吧枱位; 餐廳主打優質美國高質牛肉嘅美式漢堡包, 而且麵包由本地工場自製, 選用日本麵粉, 不含任何防腐劑或任何添加劑, 保證新鮮。脆脆雞堡配芥末蜜糖醬 - $65呢個係餐廳新出的, 店員推介我哋試吓; 麵包香甜鬆軟, 雞塊嘅外層炸得好香脆, 炸粉唔算太厚, 入面嘅雞肉仲充滿肉汁, 外脆內嫩, 好鍾意佢芥末蜜糖醬, 獨特嘅辣甜風味, 原來同件炸雞塊咁match, 入面仲有生菜, 番茄同埋芝士做配料。白菌之堡 - $65呢個漢堡好大個, 有白菌, 芝士, 生菜, 松露Mayo, 新鮮手打優質美國穀飼牛肉漢堡扒, 味道層次豐富; 漢堡扒外邊有香脆, 內裡有嫩滑口感, 而白菌炒得香口、芝士、生菜同蕃茄則增添咗多層次嘅風味。松露Mayo更係一個驚喜, 好香但唔會好濃味, 好好味。洋蔥圈 - $39炸得非常酥脆, 內裡嘅軟綿質感, 沾上茄汁吃, 不錯的香口小食。飲品汽水（可口可樂/零
觀塘返工真係好多好嘢食, 今次行到去鴻圖中心嘅food court搵食一下; 呢間漢堡餐廳都聽過好多同事介紹過話唔錯, 今日就同同事一齊食先; 雖然舖頭面積唔大, 餐廳有室內同室外嘅位置, 室內有梳化卡位及一行吧枱位; 餐廳主打優質美國高質牛肉嘅美式漢堡包, 而且麵包由本地工場自製, 選用日本麵粉, 不含任何防腐劑或任何添加劑, 保證新鮮。
脆脆雞堡配芥末蜜糖醬 - $65
呢個係餐廳新出的, 店員推介我哋試吓; 麵包香甜鬆軟, 雞塊嘅外層炸得好香脆, 炸粉唔算太厚, 入面嘅雞肉仲充滿肉汁, 外脆內嫩, 好鍾意佢芥末蜜糖醬, 獨特嘅辣甜風味, 原來同件炸雞塊咁match, 入面仲有生菜, 番茄同埋芝士做配料。
白菌之堡 - $65
呢個漢堡好大個, 有白菌, 芝士, 生菜, 松露Mayo, 新鮮手打優質美國穀飼牛肉漢堡扒, 味道層次豐富; 漢堡扒外邊有香脆, 內裡有嫩滑口感, 而白菌炒得香口、芝士、生菜同蕃茄則增添咗多層次嘅風味。松露Mayo更係一個驚喜, 好香但唔會好濃味, 好好味。
洋蔥圈 - $39
炸得非常酥脆, 內裡嘅軟綿質感, 沾上茄汁吃, 不錯的香口小食。
飲品
汽水（可口可樂/零系可口可樂/雪碧） - $12
熱柚子蜜 - $18
食漢堡包我都會配返杯汽水, 我要咗零系可口可樂, 同事要咗杯熱柚子蜜, 柚子蜜唔太甜, 味道唔錯。
張貼
