星期六下午係觀塘工廈區樓下有一間食肆門口堆左好多人，有人排緊隊等入座，亦有好多人等外賣，岩岩肚餓同搵緊野食，所以決定要試下，果然真係好有驚喜
一入到去，普通港式茶記粉麵店既格局，但出奇地多野食簡，鋪頭牆壁都貼滿餐牌、食物相、介紹，正正望緊之際，落單職員已經問我地係唔係第一次黎食，佢已經講出心水推介
五香肉丁豬扒撈通粉($56)
撈通粉第一次食，所有通粉粒粒都沾滿醬汁，再撈埋五香肉丁同蔥花，好香好吸引，少少辣味愈食愈想食，睇返介紹原來多人簡配手撕雞，我地就簡左豬扒，豬扒大件另上，有蔥油淋係面，少少唔夠嫩，但三樣野配合埋係新嘗試
魔鬼菜心($18)
撈通粉感覺如果少少油膩，就食返個菜心中和下，魔鬼菜心都落左心思，有肉碎、蔥花加上湯，最後有埋糊椒粉，味道加埋絕對無失望
魔鬼奶油多士($27)
最後以魔鬼奶油多士作為甜品，一邊朱古力粉，一邊奶油，中間夾左未溶既厚牛油，牛油夾係兩款甜味中間，脆脆多士起到作用唔算太甜，但係每啖都非常之邪惡
有次諗住再去試下其他菜式，但正工遇著鋪頭每逢星期日休息，大家想試就要留意
