海潮食堂

營業中

休息中

今日過左觀塘，當然要黎朝聖一下，平時見咁多介紹，終於可以試吓，不過位置比較隱蔽，要花點時間先搵到凍檸茶普通茶餐廳味道蔥花蛋多士呢度既招牌菜之一，多士麵包烘到金黃色，蛋炒好嫩滑，加埋蔥花，香味更上一層樓。多士切成4小塊,方便用手食，咬一口，香蔥味濃郁，而且麵包蘇脆，配上嫩滑既炒蛋，滋味滿分。牛腩蝦條煎米粉米粉和蛋醬煎到金黃色，變成煎米餅，份量都幾大，食起上黎，幾香口但就冇咩味，要點上醬油食，或者淋點牛腩汁食，味道馬上豐富起上來。深啡色既蝦卷都算彈牙，味道一般。最後既牛腩做得幾出色，炆得夠晒入味，而且也夠腍，牛筋軟硬適中，羅白都一樣好腍，上面還加左蒜蓉辣椒粒，令食慾更加提升。