黑布小巷

營業中

休息中

星期六lunch break，梗係要搵啲好嘢食啦。聽講呢度開咗間新嘅台式餐廳，咁就試吓新嘢啦。見佢啲價錢唔係好貴，我哋嗌咗兩個餐同一啲小食，一次過試多幾樣嘢啦。🩵煙燻去骨鳳爪無骨鳳爪好容易食，煙燻味不會太犀利，味道唔錯，好易入口。🩵芝士吞拿魚蛋餅熱辣辣加上滿滿嘅芝士，全部加埋好夾，仲可以玩拉絲添。🩵烤雞扒手工滷肉便當便當非常飽滿，好大塊雞扒，另外仲有滷蛋滷肉，真係淨係食呢個都夠飽，滷肉帶有適量肥肉，好香口。雞扒好大塊，醃得認錯，好滿足。🩵秘製紅燒牛肉麵保持一般台式牛肉麵嘅好味水準，份量亦都唔細，牛肉份量十足。跟餐半價可以叫到茶飲，我哋就叫山茶花茶同埋白桃烏龍茶，兩杯都幾好飲。而家餐廳性價比及味道都有水準，遲吓食lunch都會再嚟試佢其他嘢。