影片
更多
2021-11-05
837 瀏覽
最近想去旅行嘅心越強烈😮💨 唔知大家係咪都係想清假但又諗唔到去邊度chill呢☹️？唔洗擔心！我又靜雞雞發掘到一間新嘅渡假風cafe，可以令你感覺猶如置身峇里島！🏝 一解思旅遊之愁😌講緊嘅就係最近觀塘開嘅新cafe「Be leaf」，原來佢係人氣cafe「Boholic」姊妹店🌾 裝修好有渡假風情，室外座位用上藤織傢俱，有綠色植物作點綴，成功營造渡假氛圍。門口位置更有巨型花花拱門同石春路，真係每個角落都好啱打卡！📸 當中最受歡迎打卡位就係仿峇里島「鳥巢」嘅裝飾，個個都排隊影啊😆 提提你呢間係寵物友善餐廳，可以帶你嘅毛孩過嚟影吓相㗎🐶❤️ 咸香黑椒豬手蒜香意大利麵 $138好香噴噴，齋望已經流哂口水🤤 蒜味香濃，豬手分量都唔少，仲好貼心咁起咗骨🦴 整體我覺得係幾濃味，適合重口味嘅你，不過對我嚟講略嫌鹹咗啲啲🤏🏻 可能新開張調味比較重手啲。❤️ 慢煮16小時香烤鴨脾配泰式蟹肉米飯餅&太陽蛋 $158賣相好吸引🤩 面頭個太陽蛋煎到好靚仔🍳 鴨髀經過香烤後逼出油香，食落幾香口肉質偏乾身。墊底嘅泰式蟹肉米飯餅反而幾出色，加入濃濃香料好有東南亞味道。伴碟仲有焦糖爆谷，估唔到都幾夾，增加些少甜味。❤️ 蘋
講緊嘅就係最近觀塘開嘅新cafe「Be leaf」，原來佢係人氣cafe「Boholic」姊妹店🌾
裝修好有渡假風情，室外座位用上藤織傢俱，有綠色植物作點綴，成功營造渡假氛圍。
門口位置更有巨型花花拱門同石春路，真係每個角落都好啱打卡！📸
當中最受歡迎打卡位就係仿峇里島「鳥巢」嘅裝飾，個個都排隊影啊😆 提提你呢間係寵物友善餐廳，可以帶你嘅毛孩過嚟影吓相㗎🐶❤️ 咸香黑椒豬手蒜香意大利麵 $138
好香噴噴，齋望已經流哂口水🤤 蒜味香濃，豬手分量都唔少，仲好貼心咁起咗骨🦴 整體我覺得係幾濃味，適合重口味嘅你，不過對我嚟講略嫌鹹咗啲啲🤏🏻 可能新開張調味比較重手啲。❤️ 慢煮16小時香烤鴨脾配泰式蟹肉米飯餅&太陽蛋 $158
賣相好吸引🤩 面頭個太陽蛋煎到好靚仔🍳 鴨髀經過香烤後逼出油香，食落幾香口肉質偏乾身。墊底嘅泰式蟹肉米飯餅反而幾出色，加入濃濃香料好有東南亞味道。伴碟仲有焦糖爆谷，估唔到都幾夾，增加些少甜味。❤️ 蘋果金寶火炙焦糖蛋卷配雲呢拿雪糕 $72
今日MVP👑 我相信呢個即將會成為呢度嘅熱門甜品💁🏻♀️ 蛋卷鬆軟唔會好乾，忌廉柔滑，食到蛋卷中心位置有好多蘋果果粒，玉桂味相當濃！😚 面頭有雲呢拿雪糕同蘋果金寶碎，口感豐富。配埋焦糖醬令呢道甜品更加完整，必定能滿足嘗甜嘅你！☺️❤️ Papaya Mango Smoothie $52 & Latte $38
Smoothie 飲落清新唔會太甜，木瓜味較為突出。
Latte中規中矩，有少少回甘，偏nutty☕️餐廳推薦度：⭐️⭐️⭐️⭐️ (4/5)
估唔到觀塘都有個咁靚嘅打卡地方，真係有置身外國嘅錯覺。我都忍唔住影咗幾張相，彌補一吓去唔到旅行嘅痛苦啊！！😫😩 相信大家都想飛吓東南亞，去住呢間餐廳頂住先啦😭🤣
補返Menu先👇🏻
張貼
