House FiftyEight

營業中

休息中

我認為觀塘區其中一間必需令人認識的樓上bar是House Fifty Eight，餐廳佔商廈全層環境好大；裝修夠relax;仲有ping pong table & 桌球🎱枱，娛樂滿分。［晚市套餐］什菜湯—似羅宋湯味道酸酸地開胃，什菜份量好多。吞拿魚沙律🥗—沙律新鮮；吞拿魚好厚身；旁邊仲有芝麻增加口感，好特別。切開細細塊配沙律食好夾。美國肉眼扒（五成熟）—五成熟依個往度係最好；少少血紅色但接受到，肉質係好嫩口，少少咬口個種，仲好大塊Tim，讚👍［特色套餐］龍蝦湯—加左少許忌廉，賣相好靚。味道超級濃既龍蝦味。巴馬火腿沙律🥗—巴馬火腿既鹹香配fresh既沙律一樣係好正。龍蝦汁扁面配巨型龍蝦尾—對依道菜超滿意：巨型龍蝦尾份量好大，而且龍蝦尾肉質超彈牙，肉質又鮮甜。扁面質地軟身，掛上香濃既龍蝦汁簡直係回味無窮😍。兩個餐都包括：是日甜品—朱古力蛋糕🍰：朱古力味道濃郁，但唔會太甜。凍檸檬茶好解渴！