丼瀛 (已結業)

放完連假今日終於要番工，為左獎勵自己今日起倒身番工🤣放工係附近搵食要餐日本菜！晚市6點終先開門，餐廳面積唔細，睇倒師傅準備壽司、刺身。坐低店員就好主動同我地介意今日嘅推介，包括原條日本空運飛機魚、廣島蠔，串燒之類。最後我地要左推薦嘅丼瀛十二風味、椒鹽燒雞腎、燒三文魚鰭。丼瀛十二風味係有十二個杯杯上面有12種唔同種類嘅刺身，配搭飯/沙律菜。根據店員介紹，杯仔飯嘅份量係平時壽司的兩倍，我認為唔太大食量嘅二人一齊share冇問題。其中特別嘅刺身包括有三文魚腩、帶子、活赤貝、磯煮鮑魚、蟹肉蟹膏。三文魚腩非常肥美，活赤貝爽口彈牙，鮑魚非常入味又鮮甜仲細心咁分切左。擺盤非常特別，好適合打卡！三文魚鰭亦都幾出色，表皮焦脆，肉質軟滑，三文魚油味好香。椒鹽燒雞腎口感爽脆，加埋小小嘅鹽味襯托好食。