The Stadium (已結業)

觀塘近年不斷進化upgrade，像前幾天又發現了這間藏身於剛翻新成型格工廈The Wave內的Stadium，聽說佔地足有八千呎，應該是觀塘佔地最大的餐廳吧？這餐廳也真有趣，以Sport Bar做主題，一踏進餐廳已感受到強勁的現場氣氛：多部大電視在播放各類運動節目、牆身掛滿各式球衣、仲有足球機飛鏢機等任君耍樂，環境舒服得令人消磨了一個下午而不自覺。食物以美國菜為主，賣相粗獷，勝在夠大份。身為芝士怪，第一時間點了個Mac and Cheese，加了大量巴馬臣芝士和傑克芝士，芝士味超濃，有拉絲效果，加上通心粉加了黑松露醬及南瓜蓉，消膩之餘味道更有層次，大大碟都不過$80左右，算係水準之作。另一道小食拼盆The Stadium Combo，有齊各式招牌小食，送酒一流！廚師的炸功好，芝士條、洋蔥圈加啤酒漿炸，傳統美味；魷魚又炸到外脆內軟，加埋配搭的三款自家製醬汁，味道不致太單調。水牛雞翼則略嫌醬汁濃得有點太over。餐廳下午Tea Time時段入座即送Black Coffee一杯，雖說味道不算太濃郁，但勝在可無限添飲，也算是周末渴睡人士的恩物。食飽飽，hea了一會兒，再玩埋足球機先走，好寫意。