佳佳甜品

營業中

休息中

唔好以為車呔人食肆就一定貴，呢間糖水鋪走親民路線，價錢平民到叫多碗都唔肉赤，所以深受香港人同各地旅客歡迎。除此之外，分流都做得好好，就算好似我假日8點幾排成廿人，等候時間都只需十分鐘左右，所以每次去佐敦晚餐，佳佳都會係我指定飯後節目😊芋茸蓮子西米露 $22🥢🥢🥢🥢呢款糖水唔係周圍有得食，所以阿sir揀咗嚟試。芋茸香又滑，甜度剛好；蓮子清甜無澀味，食得出靚貨；西米唔會過腍，為整碗糖水加添一點口感😋濃薑番薯糖水+湯丸 $22+$7🥢🥢🥢🥢濃薑堅濃唔係人人頂得住，但鍾意食番薯糖水嘅人就喜歡重薑味🤤。所以我特別鍾意响呢度食番薯糖水，但今次個番薯比較失色，因為唔太腍，幸好番薯味搭夠。另外，湯丸係必加項目，細細粒皮薄煙韌，黑芝麻餡又香又濃郁，唔試走寶呀😆二人共消費：$51