影片
更多
2022-02-16
18 瀏覽
🍴小胖台灣便當📍沙田沙田正街11-17號偉華中心2樓3B-3C號舖行完街趕住喺6點前食完晚餐，朋友帶去呢間新開幾個月嘅台灣便當，快捷又美味！.🐮 萬華網烤牛肉便當 $72牛肉大大塊等如薄切牛扒，口感軟腍，加上燒汁網烤，味道帶甜幾滋味。便當飯量足，加上煎蛋、粟米、翠玉瓜、蓮藕、雲耳及小棠菜等配料，多多蔬菜健康又豐富！.🐷 台灣鐵路大排骨便當 $62滷過嘅大排骨肉質結實帶鹹鮮，香酥而不油膩，便當配料一樣咁豐富。排骨屬於乾身，所以飯入面嘅滷汁多啲就更好啦，亦可以加$12升級滷肉飯。.🐥 懷念鹽酥雞 +$12便當追加小食以呢個價錢來講份量算扺食！鹽酥雞外層炸漿唔會過厚，咬落香酥肉嫩，加埋九層塔一齊炸更添香氣。.🐷 台灣涼拌豬耳 +$12涼拌豬耳口感爽脆富膠質，滷得入味帶有蒜香。.🌶 麻辣鴨血 $38鴨血嫩滑入味，香麻微辣，辣味溫和易入口。.🍎 芙香蘋果茶 $25(便當附飲品免費)冷泡茶有3款選擇，蘋果茶帶淡淡果甜香氣，茶味清新。.🍋 熱金橘檸檬茶 $25(便當附飲品免費)微酸帶甜，感覺暖胃潤喉。.總括而言：餐廳環境乾淨企理，食物主打台式便當/麵食、小食及飲品。試咗幾款味道唔錯份量足，價錢親民性
📍沙田沙田正街11-17號偉華中心2樓3B-3C號舖
行完街趕住喺6點前食完晚餐，朋友帶去呢間新開幾個月嘅台灣便當，快捷又美味！
.
🐮 萬華網烤牛肉便當 $72
牛肉大大塊等如薄切牛扒，口感軟腍，加上燒汁網烤，味道帶甜幾滋味。便當飯量足，加上煎蛋、粟米、翠玉瓜、蓮藕、雲耳及小棠菜等配料，多多蔬菜健康又豐富！
.
🐷 台灣鐵路大排骨便當 $62
滷過嘅大排骨肉質結實帶鹹鮮，香酥而不油膩，便當配料一樣咁豐富。排骨屬於乾身，所以飯入面嘅滷汁多啲就更好啦，亦可以加$12升級滷肉飯。
.
🐥 懷念鹽酥雞 +$12
便當追加小食以呢個價錢來講份量算扺食！鹽酥雞外層炸漿唔會過厚，咬落香酥肉嫩，加埋九層塔一齊炸更添香氣。
.
🐷 台灣涼拌豬耳 +$12
涼拌豬耳口感爽脆富膠質，滷得入味帶有蒜香。
.
🌶 麻辣鴨血 $38
鴨血嫩滑入味，香麻微辣，辣味溫和易入口。
.
🍎 芙香蘋果茶 $25(便當附飲品免費)
冷泡茶有3款選擇，蘋果茶帶淡淡果甜香氣，茶味清新。
.
🍋 熱金橘檸檬茶 $25(便當附飲品免費)
微酸帶甜，感覺暖胃潤喉。
.
總括而言：餐廳環境乾淨企理，食物主打台式便當/麵食、小食及飲品。試咗幾款味道唔錯份量足，價錢親民性價比高，沙田區食台灣嘢之選！
張貼
