Chatterbox Express (已結業)

晏晝同同事出街食飯，食好啲係基本啦，今次仲係食酒店級菜式，真係幫我哋叉足電！今次嚟咗想食好耐嘅Chatterbox Express，餐廳係新加坡文華酒店Chatterbox Café嘅副線，佢哋嘅文華海南雞飯、招牌喇沙等都係人氣必食之選，餐廳環境特登設計到快餐店咁，務求令大家用抵食價歎到酒店級佳餚！文華海南雞飯海南雞嫩滑有雞油香味，雞皮薄脂肪少，口感非常爽滑，味道正宗再加埋三款醬汁，呢個價錢食到呢個質素嘅海南雞，性價比好高！ 炸豬扒喇沙豬扒都炸得幾鬆軟，炸完唔會油淋淋，入口香脆肉質軟嫩；喇沙湯底椰香味濃，配料多有齊魚片、豆卜同蛋，非常惹味！凍美祿恐龍超邪惡嘅美祿恐龍面頭有美祿粉同朱古力脆脆波，朱古力味道濃郁又香甜，美祿迷必試！