Ann MaMa Thai Restaurant

營業中

休息中

📍 呢間高質泰國菜好低調🔎 有時行過女人街唔小心就會miss咗🫣 但真係價錢親民又好食! 餐廳裝潢以水泥風為主，牆壁貼上泰國宣傳單張同噴漆塗鴉，泰式風情中滲透出淡淡的粗曠懷舊味道😂 空間幾闊落，坐得舒服🌀 泰式乾炒豬肉闊河係我必點菜式! 加入雞蛋/芥蘭/芽菜/洋蔥絲/豬肉炒香，河粉惹味有鑊氣🙋🏻‍♀️ 闊條河粉口感煙韌，炒得乾身! 主要係個醬汁調味超好🌀 大蝦炒金邊粉 金邊粉都👍🏼不過質感相對黏身，略有不足🥲食落甜甜酸酸幾開胃🌀黑椒粟米餅呢個幾有驚喜，粟米粒粒滿佈整個粟米餅🌽 而且咬落去酥脆多汁🤤 黑椒味好明顯，有點搶過粟米香🔺 推薦泰式綠奶茶! 就咁睇以為係抹茶奶，其實係用青茶底相對清新! 雖然加入煉奶，但淨係提升咗香味又唔會太甜!