串爆

營業中

休息中

Sat 10th Jun 2023 大雨呢度雖然係旺角鬧市，但係佢裏面隔音做得非常之好，播住悠揚嘅 香、台 歌，一啲都冇繁囂嘅感覺，大家都可以靜靜地咁同朋友傾吓偈食吓串串。雖然呢度係可以 a la carte，但係奉勸各位都係放題抵食。我哋2個都唔係好肚餓，食吓食吓都食咗50+串，再加埋啲濕濕碎碎嘅零食。見到佢哋嘅外賣單都好多，不停咁出。外賣包裝得好穩陣，成個爆炸頭咁 都幾型。先來啲冷盤小食，正常。唔好見到啲辣椒仔就俾佢呃到，我喺10小辣啲friend，都食到冇問題，幾好味。豬紅好食，彈牙新鮮。呢度適合親子，可以教小朋友乜嘢叫做一隻一粒一串一片一扇一紮….. 量詞學習食呢啲串串，係食佢哋嘅心機。少少肉 用人手逐串去串，務求令到每一串都掛滿湯汁。相比起去乜乜OutBack，佢哋出份扒，使得幾多心機？呢D串串真係抵食。唔食辣嘅，佢哋可以清湯上。同一時間可以送多一碗辣湯，entertain 到食辣嘅朋友。最後一定要食埋佢哋嘅糖水，咁就圓滿啦。