炑八韓烤親子餐廳 (愉景新城)

營業中

休息中

最近呢間親子餐廳推出新春期間限定菜單，以多款可愛造型呈現出韓式經典美食，另有性價比高嘅燒烤同兒童餐選擇。店內設有韓服體驗、波波池、滑梯及玩樂空間，希望每個家庭嚟到呢度可以舒舒服服咁，大人吹水，小朋友放電，共同享受美好時光。精靈活潑福蛇派對燒肉餐包含厚切梅花肉、韓式豬排骨、外裙肉、梨汁雞腿肉、梨清牛扒同橙意滿滿雞翼。兩個大人絕對夠食，豬肉味出，肥瘦適中，雞腿幾嫩，牛扒啖啖肉，梨汁可幫助提鮮。另外有雞翼小食，炸至金黃色，酥脆可口，食落滿足呀。新年主題兒童餐選擇好多，小朋友要咗個年年有魚柳漢堡，估唔到都幾大份！炸魚柳夠脆，入口滑溜，搭配番茄、生菜同沙律醬，麵包外層微脆，內裏軟身，仲有邪惡薯條，冇可能唔好味。甜品有黃金滿滿窩夫，賣相一流，窩夫帶咬口，配上香橙柚子同雪糕，為呢餐畫上完美句號。