永祥燒臘飯店

營業中

休息中

半生人都喺跑馬地打滾，由第一日開始已經認識永祥，但竟然舊年先係第一次嚟食。今日第二次嚟食，送返篇食評俾你先環境：傳統燒臘店裝修，衛生一般，冬天一陣寒風吹埋嚟就叫做充滿風味，夏天就真係唔使客氣喇叉鴨瀨：叉燒肥瘦適中，肉質稔滑鬆化到唔似係叉燒，蜜汁香甜又有少少燒燶嘅味道，真係食到冇停口！燒鴨皮閃閃生輝，啖啖都充滿鹹香嘅鴨油，肉質紮實有彈性。我有一個奇怪嘅習慣，就係食瀨粉一定要落大量薑蓉（即係蔥蓉），瀨粉冇乜特別但都算係爽口彈牙，大量薑蓉真係點綴不少....能夠屹立咁多年都不倒，總有理由嘅！