湊湊火鍋‧茶憩 (MOKO新世紀廣場)

營業中

休息中

午餐時間，諗唔到去邊喥食嘢，上咗旺角moko 行吓睇吓食乜好，路過呢間湊湊火鍋‧茶憩超級多次都冇食過，今次見到門口賣廣告台式半自助午市套餐，就決定入去試試佢。花膠有好多舊，又發得夠淋身，食落口膠質好足，雞都勁多，湯頭好味，濃厚程度啱啱好，飲咗兩碗湯，好有雞味，仲有鮑魚添。鴨血同豆腐就有少少辣，都可以接受，另外仲有魯肉娃娃菜加隻蛋，隻蛋外皮炸過好香口，配埋個彈牙烏冬，正到爆。同事就叫咗台北燉排骨竹飯，排骨肉嘅部分好彈牙，見佢清晒成個餐就知道好食。