順日本料理 (已結業)

🐻聽聞天后有一間專食牛舌嘅日本料理，當然要黎試試😋🐻叫咗厚牛舌定食，一上菜我哋都嘩咗一聲因為塊牛舌實在太厚，仲要有幾塊，牛舌控真係不能錯過🌞，牛舌煮得非常軟腍，調味剛剛好亦非常惹味，配埋一粒粒飽滿嘅日本米，簡直係放工食晚飯一大享受🥰🐻另一個主食叫咗照燒銀鱈魚定食，銀鱈魚魚油好香，食得出魚嘅質素係唔錯，照燒汁調味都係剛剛好🐻大食嘅我地見到佢個廣島蠔鍋都好唔錯，湯底吸收咗蠔嘅鮮味，然後菜都吸收晒湯嘅精華，我哋成鍋湯飲晒😅🐻睇返呢間日本料理原來都開咗30年咁耐，唔怪得佢啲食物質素都好唔錯先屹立到喺呢度咁耐話晒大坑天后都係出名多美食