影片
更多
2021-09-17
77 瀏覽
結婚週年紀念慶祝🎊今年放棄左去西餐廳🍴燭光晚餐🕯️，改去食我地最愛既海鮮😍之前見到朋友去旺角既阿爺八鮮鍋。好多超生猛海鮮，仲有大大盤海鮮刺身，吸引到呢！刺身拼盤見到差唔多每台都有叫剌身拼盤，我地都叫左個魔王西澳龍蝦象拔蚌海立魚刺身拼盤。好大盤刺身😍上枱先黎打咭📸🤣。因為係即叫即劏，夠哂新鮮，食得出好鮮甜，而且好肥美，食落好口啖啖肉好滿足🥰。象拔蚌新鮮彈牙爽口，龍蝦鮮甜，海立魚食落煙韌有咬口，甜蝦肥美。見拼盤中間仲有一碟好特別既，店員話原來係炙燒左口魚，燒一燒之後魚油迫晒出嚟，加上少少香甜醬汁，真係幾好食。除咗刺身拼盤之外，梗係唔少得無極限海鮮放題，2.5小時仼食火鍋🍲精選小食只要like and share fb page就有得送，我地今日係蟹肉絲配米餅，仲有冰鎮鮑魚😻是日精選足料靚湯一大壺足料靚湯，仲鬼咁貼心有個火爐仔一直燒住🔥。識飲靚湯一定要熱住飲！無限追加惹味花膠雞煲雞煲調味做得不錯，辣🌶️得黎好惹味，雞件嫩滑啖啖肉，花膠先最好食😋煲到好入味，軟冧得來又有啲煙韌。阿爺是日湯底原來邊爐湯底都係日日唔同㗎，每日二款，可以揀晒兩款鴛鴦鍋都唔使額外加錢。今日係 #阿參魚同 #蕃茄牛腩。超級海
之前見到朋友去旺角既阿爺八鮮鍋。好多超生猛海鮮，仲有大大盤海鮮刺身，吸引到呢！
刺身拼盤
見到差唔多每台都有叫剌身拼盤，我地都叫左個魔王西澳龍蝦象拔蚌海立魚刺身拼盤。好大盤刺身😍上枱先黎打咭📸🤣。
因為係即叫即劏，夠哂新鮮，食得出好鮮甜，而且好肥美，食落好口啖啖肉好滿足🥰。
象拔蚌新鮮彈牙爽口，龍蝦鮮甜，海立魚食落煙韌有咬口，甜蝦肥美。見拼盤中間仲有一碟好特別既，店員話原來係炙燒左口魚，燒一燒之後魚油迫晒出嚟，加上少少香甜醬汁，真係幾好食。
除咗刺身拼盤之外，梗係唔少得無極限海鮮放題，2.5小時仼食火鍋🍲
精選小食
只要like and share fb page就有得送，我地今日係蟹肉絲配米餅，仲有冰鎮鮑魚😻
是日精選足料靚湯
一大壺足料靚湯，仲鬼咁貼心有個火爐仔一直燒住🔥。識飲靚湯一定要熱住飲！
無限追加惹味花膠雞煲
雞煲調味做得不錯，辣🌶️得黎好惹味，雞件嫩滑啖啖肉，花膠先最好食😋煲到好入味，軟冧得來又有啲煙韌。
阿爺是日湯底
原來邊爐湯底都係日日唔同㗎，每日二款，可以揀晒兩款鴛鴦鍋都唔使額外加錢。今日係 #阿參魚同 #蕃茄牛腩。
超級海鮮盒
爆膏龍蝦🦞，超生猛鮑魚，巨型日本元貝，真係不得了。隻鮑魚生猛到跳晒扭腰舞咁😄
數十款火鍋配料仼食
我地梗係專攻海鮮啦!! 淨係海鮮都有10幾款任食😋蟶子王，生蠔，太子蚌，鮑魚，鱔片⋯keep住encore
手切安格斯牛小排，手打蟹子蝦滑，黑松露墨魚滑，新鮮雞腸都係必食👍🏻👍🏻
甜品有大阪牛乳雪糕免費仼點，仲加左每人$20飲品仼飲
張貼
