影片
更多
2016-10-09
1425 瀏覽
今時今日飲茶，要搭枱，星期日下午茶時段，有枱無人坐，都強迫搭枱，無法接受！一大一小，下午茶3點入座，前枱問仲有無茶飲，收幾點，個前枱繼續低頭答：『有，入去啦』示意我自己搵位，行到一半，佢又叫我返轉頭自己拎枱面嘅「點心紙」，好似一份份未叠好嘅報紙咁執。（當時已經無人等位，應該相當得閒）入到去，繼續無人帶位，企咗一陣，有個姐行過講咗句「自己搵位啦」我就自己去搵張無人兼執好嘅枱，搵咗一陣，終於搵到張，雖然枱底唔知點解有蒸餾水吉樽同一堆喉。泊好嬰兒車，寫緊點心紙，忽然有個『姐』離遠叫，你兩個坐第二張（附近兩個位嘅都無人執過枱）我話：「你又未執枱，又係你叫我自己搵位坐」『姐』一臉不滿行開請問一大一小，下午茶，不足一歲收兩人茶錢，消費100算太少？到底係蝦我孤兒寡婦，定現世代酒樓都興搭枱？未上菜，忽然又有一阿『姐』驅趕一個太太到我張枱坐低！！！未有問過我同個太太意願，就咁安排，離譜！！嗰刻直頭想走！明明個場都唔細，你無位，大可以唔收客入座。我有俾茶位，加一，點解要深水埗茶檔式搭枱？一大一小，叫三籠加一碗粉真心覺得，食物質素不俗，中上。不過廚房做幾好都無用，前線樓面配合唔到，服務超差！食到尾聲，我仲
一大一小，下午茶3點入座，前枱問仲有無茶飲，收幾點，個前枱繼續低頭答：『有，入去啦』示意我自己搵位，行到一半，佢又叫我返轉頭自己拎枱面嘅「點心紙」，好似一份份未叠好嘅報紙咁執。（當時已經無人等位，應該相當得閒）
入到去，繼續無人帶位，企咗一陣，有個姐行過講咗句「自己搵位啦」
我就自己去搵張無人兼執好嘅枱，搵咗一陣，終於搵到張，雖然枱底唔知點解有蒸餾水吉樽同一堆喉。
泊好嬰兒車，寫緊點心紙，忽然有個『姐』離遠叫，你兩個坐第二張（附近兩個位嘅都無人執過枱）
我話：「你又未執枱，又係你叫我自己搵位坐」
『姐』一臉不滿行開
請問一大一小，下午茶，不足一歲收兩人茶錢，消費100算太少？
到底係蝦我孤兒寡婦，定現世代酒樓都興搭枱？
未上菜，忽然又有一阿『姐』驅趕一個太太到我張枱坐低！！！未有問過我同個太太意願，就咁安排，離譜！！
嗰刻直頭想走！明明個場都唔細，你無位，大可以唔收客入座。我有俾茶位，加一，點解要深水埗茶檔式搭枱？
一大一小，叫三籠加一碗粉
真心覺得，食物質素不俗，中上。不過廚房做幾好都無用，前線樓面配合唔到，服務超差！
食到尾聲，我仲咬住個包，枱上仲有零星食物，有個『姐』忽然又唔問就叉隻手收我筷子，我咬住個包話「仲食緊」，佢先識停手，想放返對筷子俾我，我話「唔使，你收走佢，俾我食埋先再執」
眼見當時，附近有好幾枱，無人但一枱食物嘅枱，奈何阿『姐』偏偏想執我張枱先，有趣！
對於今次，全程無人帶位兼無禮貌對待同搭枱經驗，衰過茶餐廳服務，但收大酒樓加一服務費，實在有啲難以置信！
連埋單都要出去自己埋。。。。
請問個加一喺加嚟做乜？
自助式經營嘅加一服務飲茶
可能下次去茶餐廳、美心大快樂呢啲無咁嬲
差在要未自己去廚房上菜之嘛
張貼