95
43
61
等級4
134
0
2005-10-03 10 瀏覽
其實我覺得食靚海鮮唔使特登走入西貢,出面都有唔錯水準。不過咁啱昨日去咗西貢行山,臨走就想食海鮮,平時都會去全記,今日都唔列外。雖然有兩間全記,但係呢間先有人等位,所以比較有信心,本人就未試過另外嗰間全記。呢間全記食過好多次,每次水準都唔同,我諗好睇個大廚既公力。今日可能係黃金週同星期日,所以應該可能比較好啲。我哋四個人,叫咗一啲中價海鮮,都有六樣咁多,有豉椒蟶子- 好多醬,蟶子比較細隻,唔係好抵食,不過味道唔錯。避風塘尿蝦- 好香又唔辣,唔錯,但如果鐘意食辣既朋友,就要叫佢地加辣粉絲元貝- 好新鮮,唯一美中不足係佢地為咗快熟,將好厚同好大隻既元貝界咗四份,所以食既時係就無咗食完隻大元貝既口感。白灼花螺- 無乜特別白灼海蝦- 新鮮椒鹽墨魚- 好少炸粉,所以食到墨魚既鮮味。。今次每樣都好滿意,包4個白飯,兩支啤酒同一支汽水埋單$1119,都唔係太貴,可以接受。呢晚既晚飯比平時既全記好,而且感覺比出面既酒樓新鮮,下次都會再來。
更多
其實我覺得食靚海鮮唔使特登走入西貢,出面都有唔錯水準。不過咁啱昨日去咗西貢行山,臨走就想食海鮮,平時都會去全記,今日都唔列外。雖然有兩間全記,但係呢間先有人等位,所以比較有信心,本人就未試過另外嗰間全記。
呢間全記食過好多次,每次水準都唔同,我諗好睇個大廚既公力。今日可能係黃金週同星期日,所以應該可能比較好啲。
我哋四個人,叫咗一啲中價海鮮,都有六樣咁多,有
豉椒蟶子- 好多醬,蟶子比較細隻,唔係好抵食,不過味道唔錯。
避風塘尿蝦- 好香又唔辣,唔錯,但如果鐘意食辣既朋友,就要叫佢地加辣
粉絲元貝- 好新鮮,唯一美中不足係佢地為咗快熟,將好厚同好大隻既元貝界咗四份,所以食既時係就無咗食完隻大元貝既口感。
白灼花螺- 無乜特別
白灼海蝦- 新鮮
椒鹽墨魚- 好少炸粉,所以食到墨魚既鮮味。
。今次每樣都好滿意,包4個白飯,兩支啤酒同一支汽水埋單$1119,都唔係太貴,可以接受。
呢晚既晚飯比平時既全記好,而且感覺比出面既酒樓新鮮,下次都會再來。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
人均消費
$280