太吉 (已結業)

古語有云：有朋自遠方來，不亦樂乎。咁啱有個朋友過嚟西環呢邊，想同佢搵個地方食下野傾吓偈，呢間太吉我成日都會幫襯因為佢地方雖然唔係好大，但係裝修得幾日本風情，坐得幾舒服。最啱就係同啲朋友嚟食吓嘢傾吓計。同埋佢啲串燒嘅質素亦都幾高，所以我哋每次有朋友黎都會都會去呢度食。佢做啲串燒睇得出係叫咗先即刻燒，而唔係擺定喺度翻熱嘅，所以都非常之新鮮同惹味。而我呢度最鍾意嘅串燒呢就係免治雞肉棒、燒五花腩、煙肉荔枝卷、清酒煮蛤。佢個免治雞肉棒可以做到燒到表面少少脆內裏就仍然好juicy。煙肉荔枝卷佢係又香脆又清甜，好好食。清酒煮蜆d蜆好大隻好肥美，同埋次次我都會飲埋個清酒湯，好清甜好正。好難得會係一啲住宅區都搵到d高質素嘅串燒店！