米蔥動

營業中

休息中

聽讀港大嘅友人講，西環有間街坊台菜小店，係間隱世美食🤗齋睇個餐廳名就已經好有台式食字gag嘅風味，搞笑得嚟又會get到餐廳嘅牌菜係啲咩😂蔥油穀飼豬扒飯相信呢個就係餐廳嘅主打，呢碗有齊米同蔥嘅蔥油豬扒飯，豬扒用咗穀飼梅頭，煎咗之後好有油香，肥瘦均勻，口感又唔韌，加埋蔥油同甜豉油，就係個簡單得嚟好滋味嘅美食🤤蒜香醬油凍螺好有特色嘅小食，同樣係店家嘅推介美食。凍螺份量好多，輕輕用牙籤一拮就可以攞到啲肉出嚟🐚 食落仲有微微嘅酒香添 。話梅凍豬手呢個豬手都算大件，上面灑上咗啲酸酸地嘅話梅粉，係個幾開胃嘅小食🐷鹽酥花枝丸拼香芋貢丸呢份雙拼丸就好有台灣夜市小食嘅風味，啲丸炸得幾香，再有椒鹽粉調味 。比較特別嘅係香芋貢丸，豬肉丸嘅外層包住芋泥，幾有驚喜🤩珍珠奶茶食台灣嘢點都要叫杯手搖飲品先有feel，店員喺落單嘅時候會主動問需唔需要少甜同少冰呢啲選項，真係好貼心啊🧋餐廳舖面唔大，得十個座位左右，偏向家庭式嘅小店運作，但係絕對係好食嘅舖頭😎 一路食都見到好多街坊嚟幫襯，店員都同食客閒聊幾句，可見佢有一班熟客仔支持，係間有本土味嘅台式小店啊 。