蓮．越坊

越式既粉麵係我最喜歡既菜式之一，之但係要整得好味就唔容易。
小弟同朋友仔今次去到西環士美菲路個邊既厚和街試左蓮·越坊，叫左河內牛爽腩金邊粉 (HKD 55)同埋手撕雞金邊粉 (HKD 50)。佢地係不收加一既。

兩碗金邊粉既分量都尚算適中，調味料如檸檬同辣椒都有跟足，而且都有健康既蔬菜。 牛腩非常爽口彈牙，口感唔錯，湯底濃郁，非常有越南風味。

河內牛爽腩金邊粉

$55

另外個碗既湯底相對清甜，手撕雞分量多，而且又啖啖肉。

手撕雞金邊粉

$50

其實佢地都仲有小食如炸蝦餅，香茅豬扒，豬頸肉等等。 不過唔想眼寛肚窄，留番下次再encore過。