影片
更多
2015-02-10
1032 瀏覽
炸雞啤酒一直係睇韓劇痛苦既一幕，因為往往見男女主角食得開心滋味，奈何香港人唔知邊度有得食呢種人間美食。自從西港島線通車後，筆者終於搵到一間可以帶都教授黎食既炸雞店啦！係香港大學站落車，往高街行十分鐘左右，見到門口有班fans排隊等外賣等入座既就係佢啦。侍應知道我地肚餓，特登俾定餐牌我地落單先，又同我地傾計安撫我地弱小既肚仔，一有吉位仲即刻極速幫我地執枱安排入座，未食已經幫呢間韓式餐廳加分。雙拼炸雞 $188比起街邊$30一份的炸雞，呢個價錢絕對係抵食到爆。先講份量，一大碟的無骨炸雞，唔怕你唔夠飽，最怕你太飽食唔落其他野。餐盤清楚分明兩種口味，俾大家可以試清自己偏好邊款。醬油鹹鹹地不失炸雞香，甜辣刺激味蕾最啱趁熱食。兩款口味既共通點係炸雞都係炸粉少而炸得香脆，咬落去先係破皮的脆卜卜既聲，入口係滑嫩雞肉的香味，啖啖肉的口感真係無得彈。再加上炸雞完全鎖住肉汁，所以咬落去咇哂汁但又有極香濃既醬料味，大大口飲返啖冰凍啤酒，難怪韓劇的男女主角咁鍾意食炸雞!飯團($58)無飯不歡既朋友可以叫埋韓式飯團，圓碌碌既波波形好得意。海苔有淡淡麻油味，唔會heavy亦唔會喧賓奪主。飯團整得好亁身，唔會令人感覺
炸雞啤酒一直係睇韓劇痛苦既一幕，因為往往見男女主角食得開心滋味，奈何香港人唔知邊度有得食呢種人間美食。
自從西港島線通車後，筆者終於搵到一間可以帶都教授黎食既炸雞店啦！係香港大學站落車，往高街行十分鐘左右，見到門口有班fans排隊等外賣等入座既就係佢啦。
侍應知道我地肚餓，特登俾定餐牌我地落單先，又同我地傾計安撫我地弱小既肚仔，一有吉位仲即刻極速幫我地執枱安排入座，未食已經幫呢間韓式餐廳加分。
雙拼炸雞[醬油+甜辣醬] $188
比起街邊$30一份的炸雞，呢個價錢絕對係抵食到爆。先講份量，一大碟的無骨炸雞，唔怕你唔夠飽，最怕你太飽食唔落其他野。
餐盤清楚分明兩種口味，俾大家可以試清自己偏好邊款。
醬油鹹鹹地不失炸雞香，甜辣刺激味蕾最啱趁熱食。
兩款口味既共通點係炸雞都係炸粉少而炸得香脆，咬落去先係破皮的脆卜卜既聲，入口係滑嫩雞肉的香味，啖啖肉的口感真係無得彈。再加上炸雞完全鎖住肉汁，所以咬落去咇哂汁但又有極香濃既醬料味，大大口飲返啖冰凍啤酒，難怪韓劇的男女主角咁鍾意食炸雞!
飯團($58)
無飯不歡既朋友可以叫埋韓式飯團，圓碌碌既波波形好得意。海苔有淡淡麻油味，唔會heavy亦唔會喧賓奪主。飯團整得好亁身，唔會令人感覺濟，粒粒飯都沾上蟹籽，食落去超有口感，最啱係食左幾舊炸雞後中和返。
韓國芝士年糕($68)
都幾辣，建議唔食得辣的朋友慎點。
年糕唔算特別，芝士味亦唔濃，嚴格黎講食唔到有芝士味，亦欠缺藕斷絲連的芝士絲，加上炸雞太吸引，被冷落已久的年糕好快變成一堆麵團，早知留肚食其他野。
泡菜($18)
同出面食的泡菜味不同，呢度既泡菜無出面咁辣，但好易入口，平時極少食泡菜的筆者食左成碗。
侍應好有禮貌，結帳的時候仲歡送我地，又熱情地叫我地下次再黎，實在抵讚。
張貼
