影片
更多
2019-10-15
3782 瀏覽
岩岩係荔枝角MCL睇完早場，當我要搵個地方開餐個陣就見到呢間餐廳。今次去呢間餐廳既地理位置都幾方便，只要係荔枝角 A出口，向左直行多個街口就係。因為我係晏晝1200 左右去，間餐廳都係岩岩開門，所以成間鋪得我同另一台客。呢間鋪第一下比我既感覺好西式，好整潔，如果係夜晚嚟食應該好有氣氛 ，佢亦都有位比5-6人一齊坐，都幾適合過嚟聚會。今次我就嗌咗個西班牙黑毛豬 友人就嗌咗佢既終極漢堡。過咗無耐個侍應就遞咗兩舊麵包過嚟，以為只係普通麵包，但食落去發現有啲香草味，幾有心思。黑毛豬比得都算幾厚幾大塊，黃色個啲醬食落去比較淡，有少少酒味，食黑毛豬個陣記得蘸多啲，佢令到成塊肉既味道增加咗不少層次。友人既終極漢堡～我地仲嗌咗水牛城雞翼，我比較鐘意既地方係佢個味道岩岩好，第一啖入口個陣會有少少甜味，緊隨跟後既辣味令到成個雞翼更加惹味。仲有就係呢個粟米湯，呢個湯睇落同出面其他西式餐廳差唔多，但估唔到飲落去係咁好飲！ 佢唔同之處係在於佢有好重既煙燻味 加上佢落咗好多粟米蓉，令到你每一啖湯都可以品嚐濃郁既粟米味！意想不到既湯！野飲方面我就嗌咗呢個青檸荔枝梳打，賣相都唔錯，不過記得攪勻杯野飲，唔係既話去到最尾
今次去呢間餐廳既地理位置都幾方便，只要係荔枝角 A出口，向左直行多個街口就係。
因為我係晏晝1200 左右去，間餐廳都係岩岩開門，所以成間鋪得我同另一台客。
呢間鋪第一下比我既感覺好西式，好整潔，如果係夜晚嚟食應該好有氣氛 ，佢亦都有位比5-6人一齊坐，都幾適合過嚟聚會。
今次我就嗌咗個西班牙黑毛豬 友人就嗌咗佢既終極漢堡。
過咗無耐個侍應就遞咗兩舊麵包過嚟，以為只係普通麵包，但食落去發現有啲香草味，幾有心思。
黑毛豬比得都算幾厚幾大塊，黃色個啲醬食落去比較淡，有少少酒味，食黑毛豬個陣記得蘸多啲，佢令到成塊肉既味道增加咗不少層次。
友人既終極漢堡～
我地仲嗌咗水牛城雞翼，我比較鐘意既地方係佢個味道岩岩好，第一啖入口個陣會有少少甜味，緊隨跟後既辣味令到成個雞翼更加惹味。
仲有就係呢個粟米湯，呢個湯睇落同出面其他西式餐廳差唔多，但估唔到飲落去係咁好飲！ 佢唔同之處係在於佢有好重既煙燻味 加上佢落咗好多粟米蓉，令到你每一啖湯都可以品嚐濃郁既粟米味！意想不到既湯！
野飲方面我就嗌咗呢個青檸荔枝梳打，賣相都唔錯，不過記得攪勻杯野飲，唔係既話去到最尾會太甜。
走個陣間鋪已經變到好多人 好熱鬧！
張貼
