影片
更多
2022-05-21
82 瀏覽
近排同西班牙美食好似特別有緣，繼早前喺銅鑼灣食咗餐高 CP 值嘅西班牙菜，今日又應友人邀約，嚟大角咀呢間西班牙小店吃頓午餐。餐廳嘅裝修好有格調，以黑白兩色為主，加上開放式門面及特高樓底，自然光滲進室內，感覺開揚舒服，非常適合同朋友嚟聚餐。我哋點咗兩個 Tapas 同一份主菜。魚子醬龍蝦蟹肉牛油果他他 ($178) 率先送上，龍蝦同蟹肉都非常新鮮，夠 Fresh 又清新。墊底嘅牛油果水準亦不俗，質感綿而不碎，味道香而帶甜，再配上魚子醬，入口即溶，簡直令人難以抗拒。西班牙辣椒仔 ($88) 接著送上，辣椒仔非常大隻，好吸睛，食落完全唔辣，據說大廚只係簡單地用咗橄欖油同海鹽嚟炮製，入口已經好惹味，帶陣陣鹹香，用嚟佐酒真係一流。油封鴨髀 ($248) 風味亦甚佳，外皮燒得好香口，肉質非常鮮嫩，油脂香味濃郁，只須用刀叉輕力一鎅，已可輕鬆拆肉，再伴以烤時蔬同 Creamy 嘅薯蓉，夠晒飽肚，滋味又滿足。
近排同西班牙美食好似特別有緣，繼早前喺銅鑼灣食咗餐高 CP 值嘅西班牙菜，今日又應友人邀約，嚟大角咀呢間西班牙小店吃頓午餐。
餐廳嘅裝修好有格調，以黑白兩色為主，加上開放式門面及特高樓底，自然光滲進室內，感覺開揚舒服，非常適合同朋友嚟聚餐。
我哋點咗兩個 Tapas 同一份主菜。
魚子醬龍蝦蟹肉牛油果他他 ($178) 率先送上，龍蝦同蟹肉都非常新鮮，夠 Fresh 又清新。墊底嘅牛油果水準亦不俗，質感綿而不碎，味道香而帶甜，再配上魚子醬，入口即溶，簡直令人難以抗拒。
西班牙辣椒仔 ($88) 接著送上，辣椒仔非常大隻，好吸睛，食落完全唔辣，據說大廚只係簡單地用咗橄欖油同海鹽嚟炮製，入口已經好惹味，帶陣陣鹹香，用嚟佐酒真係一流。
油封鴨髀 ($248) 風味亦甚佳，外皮燒得好香口，肉質非常鮮嫩，油脂香味濃郁，只須用刀叉輕力一鎅，已可輕鬆拆肉，再伴以烤時蔬同 Creamy 嘅薯蓉，夠晒飽肚，滋味又滿足。
張貼
