影片
更多
2025-05-12
609 瀏覽
收工路過條路比較暗，行行下俾呢到嘅燈光吸引左，望入嚟仲有狗仔🐶喺入面㖭呀，環境氣氛都啱晒，同朋友餐牌都唔睇即刻入黎！呢間餐廳性價比真係高喎，我地叫咗：🍄🟫烤大啡菇黑松露鮮菌天使麵 $88- 濃濃嘅黑松露醬沾滿天使麵，大啡菇多汁加埋溫泉蛋，係天衣無縫嘅配合。🍝松葉蟹-蟹籽明太子天使麵 $108- 睇個名已經夠吸引，賣相又靚。大大舊啖啖肉嘅松葉蟹配埋蟹籽同明太子，口感有層次，味道又鮮甜又有啲啲辣味。好食！🍖慢煮加拿大豬鞍‧甜漬蘋果莎莎及薯菜 $128- 軟淋嘅慢煮豬鞍，配埋蘋果莎莎嘅酸甜味，好夾！個薯蓉好滑，烤蔬菜亦出色！🥨香脆魷魚鬚伴日式蛋黃醬 $65- 魷魚鬚真係小食中不可缺少嘅項目，熱辣辣脆卜卜。酥脆嘅外皮，煙韌嘅內在，點埋蛋黃醬，yummy!!🥯E FOR EGG芝士奶蓋招牌窩夫 $88- 壓軸甜品！個樣好可愛呀！唔捨得切開佢。外脆內軟嘅窩夫鋪上滿滿嘅忌廉同奶蓋加埋朱古力粉，睇得又食得！☕️招牌奶蓋咖啡(熱) $45- 第一次飲加奶蓋嘅latte，好棉滑呀！咖啡香左多左份淡淡嘅鹽味咁。🍸開心果特調 $56 - 望見餐牌，有豆腐花喺入面？咁得意就叫左嚟試。開心果味真係好濃好濃，但估唔
呢間餐廳性價比真係高喎，我地叫咗：
🍄🟫烤大啡菇黑松露鮮菌天使麵 $88
- 濃濃嘅黑松露醬沾滿天使麵，大啡菇多汁加埋溫泉蛋，係天衣無縫嘅配合。
🍝松葉蟹-蟹籽明太子天使麵 $108
- 睇個名已經夠吸引，賣相又靚。大大舊啖啖肉嘅松葉蟹配埋蟹籽同明太子，口感有層次，味道又鮮甜又有啲啲辣味。好食！
🍖慢煮加拿大豬鞍‧甜漬蘋果莎莎及薯菜 $128
- 軟淋嘅慢煮豬鞍，配埋蘋果莎莎嘅酸甜味，好夾！個薯蓉好滑，烤蔬菜亦出色！
🥨香脆魷魚鬚伴日式蛋黃醬 $65
- 魷魚鬚真係小食中不可缺少嘅項目，熱辣辣脆卜卜。酥脆嘅外皮，煙韌嘅內在，點埋蛋黃醬，yummy!!
🥯E FOR EGG芝士奶蓋招牌窩夫 $88
- 壓軸甜品！個樣好可愛呀！唔捨得切開佢。外脆內軟嘅窩夫鋪上滿滿嘅忌廉同奶蓋加埋朱古力粉，睇得又食得！
☕️招牌奶蓋咖啡(熱) $45
- 第一次飲加奶蓋嘅latte，好棉滑呀！咖啡香左多左份淡淡嘅鹽味咁。
🍸開心果特調 $56
- 望見餐牌，有豆腐花喺入面？咁得意就叫左嚟試。開心果味真係好濃好濃，但估唔到啜到豆腐花時，一啲都唔會蓋過左豆腐花味！
🍹手工菠蘿熱情果香草氣泡水 (凍) $48
- 兩款都咁清新香甜嘅水果夾埋，飲左好似去左陽光海灘咁，消暑解膩！
餐廳設施非常之好，有寵物友善專區，下次可以約埋有寵物嘅朋友一齊過嚟用餐!😊
張貼
