影片
更多
2022-03-14
71 瀏覽
疫情嚴重，所以我哋放假都唔敢周圍去，最多喺屋企附近買嘢同食個晏，唞唞氣嘛。呢日我哋發現扶手電梯旁嘅英華臺，又開咗新餐廳「椰子樹泰國料理」🎊。呢頭附近冇乜泰國菜，所以餐廳都幾受街坊歡迎，好多人嚟幫襯，堂食同外賣訂單做唔停🥡。小店座位唔多，環境格局同上手無乜分別。餐廳星期日都有提供午市套餐，每款$62，共五款選擇，定價喺呢區來講算係咁啦😉。餐牌定期會轉換，保持新鮮感。我哋嗌咗兩個午餐，再加啲小食，食飽飽當埋晚餐🙈。泰式蝦炒金邊粉，金邊粉炒得唔錯👍，麵底偏濕，但麵條無漿埋一餅，亦唔會碎濕濕，算幾分明。金邊粉落足料炒，有四隻大蝦🦐，新鮮爽彈；其他料仲包埋豆乾、大豆芽菜同蛋絲等。馬沙文牛咖哩(配白飯)，🥘泰式咖哩口味溫和，辣度老少咸宜，香多過辣。咖哩配以鮮牛片，而非牛腩，個人認為少咗份嚼勁，但都好味；另外仲有薯仔。白飯分開上，見隔離枱好似有得添。串燒沙嗲($88/6串)，🍢串燒好抵食，大大串，半打有齊豬牛雞都唔使過百蚊。每串均容易分得出係邊款肉打邊款，而且肉質唔乾唔柴。沙嗲醬雖然少，但經已足夠帶來滋味。椰子雞湯($68)，雞湯唔算大碗，但味道有驚喜🤤。佢熱辣辣送上，椰子香突出🥥，但同時亦不乏辣味
疫情嚴重，所以我哋放假都唔敢周圍去，最多喺屋企附近買嘢同食個晏，唞唞氣嘛。呢日我哋發現扶手電梯旁嘅英華臺，又開咗新餐廳「椰子樹泰國料理」🎊。
呢頭附近冇乜泰國菜，所以餐廳都幾受街坊歡迎，好多人嚟幫襯，堂食同外賣訂單做唔停🥡。小店座位唔多，環境格局同上手無乜分別。
餐廳星期日都有提供午市套餐，每款$62，共五款選擇，定價喺呢區來講算係咁啦😉。餐牌定期會轉換，保持新鮮感。我哋嗌咗兩個午餐，再加啲小食，食飽飽當埋晚餐🙈。
泰式蝦炒金邊粉，金邊粉炒得唔錯👍，麵底偏濕，但麵條無漿埋一餅，亦唔會碎濕濕，算幾分明。金邊粉落足料炒，有四隻大蝦🦐，新鮮爽彈；其他料仲包埋豆乾、大豆芽菜同蛋絲等。
馬沙文牛咖哩(配白飯)，🥘泰式咖哩口味溫和，辣度老少咸宜，香多過辣。咖哩配以鮮牛片，而非牛腩，個人認為少咗份嚼勁，但都好味；另外仲有薯仔。白飯分開上，見隔離枱好似有得添。
串燒沙嗲
$88
22 瀏覽
0 讚好
0 留言
椰子雞湯
$68
4 瀏覽
0 讚好
0 留言
泰式炒雜菜(加配價$28)，炒雜菜細細碟，不過勝在種類繁多，例如有粟米筍、紅蘿蔔、芥蘭、椰菜花同西蘭花等🥦。味道清清哋，可清新味蕾。
飲品方面，我哋要咗青檸梳打(+$8)同凍奶茶($3)，前者夠檸夠酸又夠汽🍋，正。後者雖然唔係泰式奶茶，冇煉奶香，不過都好飲，水準比唔少茶餐廳出品還要好。
餐廳人情味滿滿，仲請我哋食椰青糕作為甜品，好窩心❤️。
總括嚟講，呢間泰菜小店各方面都幾好，老闆娘同店員們係泰國人嚟🇹🇭，讓食客感覺正宗，而且佢哋好好人同有禮貌。小店位置比較隱蔽，希望多啲街坊能夠認識餐廳，支持一下😉。
張貼
