香港人冰室

營業中

休息中

又一間抵食又好食嘅街坊茶記，吸引到我短時間內幫襯兩次。第一次一支公下午茶時間嚟到，叫咗黑松露煙肉蔥花滑蛋潛艇配凍檸茶，潛艇嘅餡料用咗中式嘅烹調方法，本來有啲格格不入，不過又幾好味喎😂，滑蛋夠滑有蛋汁，配埋炒過嘅煙肉同蔥花，都算幾惹味。個包有少少甜味，係我鍾意嘅味道，整體唔錯。第二次兩個人嚟，都係下午茶時間，先嚟個班蘭西多士配沙律，西多士炸得幾靚，明顯唔係用萬年油，入面嘅班蘭醬甜甜哋幾好食，不過同傳統嘅西多士比較，始終都係花生醬好食啲，如果想食斑蘭嘅話，建議叫另一個下午茶餐班蘭鮮油多；至於沙律就係最傳統嗰隻，都好耐冇食過啦，難得可以懷舊下。再叫個香蒜牛油雞中翼配薯格，雞翼嘅煮法又係好中式，就係煎完之後將蒜蓉淋上面，有啲搞笑，但食落又幾惹味喎😂，至於薯格都幾正，夠熱夠脆。