LLB Bistro (已結業)

上環荷李活道嘅老店漸漸轉型，有人話集體回憶逐漸消失，但其實我哋又有無反問一吓自己，點解要到佢消失，我哋先話珍惜，其實一個城市係必須發展，活化未嘗唔係一個好嘅選擇。所以每次去到荷李活道，總會有些新發現，好似呢間LLB Bistro，係一間家庭式嘅小餐館，今日就同A姐去試試啦。Buffalo Chicken Wings呢度嘅水牛城雞翼用上雞搥，啖啖肉又好入味，味道香辣惹味，仲帶少少甜同酸。Local Fish Fillet鱸魚煎得好香， 魚皮負夠晒香脆，而魚肉好嫰滑，最重要係無骨。而鱸魚以海鹽調味，簡簡單單反而突顯魚嘅鮮味。 配菜有露荀、脆肉瓜、南瓜同薯仔，健康又夠飽肚。All Day Breakfast全日早餐有多士、 大啡菇、蕃茄芝士沙律 、黑松露炒蛋、煙肉、 薯餅及蕃茄豆。特別鍾意黑松露炒蛋，因為黑松露味好濃！而大啡菇好厚肉，好有口感。最後，叫咗兩杯飲品，同A姐嘆吓茶再傾吓計，好relax。